Gretsiyaning sobiq energetika vaziri Panayotis Lafazanis “Rossiya haq” deb yozilgan saylovoldi plakatini taqdim etdi, deb xabar qilmoqda Pronews.gr.
Siyosatchi o‘zining “Milliy ozod bo‘lish demokratik harakati” yangi partiyasini shunday targ‘ib qilmoqda.
“Rossiya haq. AQSH va NATO Ukrainani jahannamga aylantirdi, ular sayyorani jarlik sari yetaklashmoqda, Yevropani yo‘q qilishmoqda, Gretsiyani xonavayron va mayib qilishmoqda. Chirigan, poraxo‘r, oligarx va qul siyosiy rejimini ag‘darib tashlang!”, - deya yozilgan plakatda.
Siyosatchining o‘zi esa Rossiya harbiylari Ukrainadagi maxsus harbiy operatsiya davomida foydalanayotgan “Z” harfi belgisi bilan birga tasvirlangan.
Panayotis Lafazanis 9 may kuniga bag‘ishlangan Afinadagi 1941-1944 yillarda Gretsiya ozodligi va mustaqilligi uchun qurbon bo‘lgan sovet jangchilari haykali oldidagi mitingda qatnashib, o‘shanda yangi so‘l partiya tuzish niyati borligini ma’lum qilgan edi.
Gretsiyaning sobiq bosh vaziri Aleksis Sipras hukumatida Lafazanis Energetika vazirligiga rahbarlik qilgan. 2015 yili u maslakdoshlari bilan hukmron partiya SIRIZA siyosati keskin o‘zgargandan so‘ng norozilik belgisi sifatida Vazirlar mahkamasi tarkibidan chiqib, “Xalq birligi” partiyasini tuzgandi. 2015 yildan 2019 yil 2 iyunigacha uning yetakchisi bo‘ldi.
Lafazanisning so‘zlariga ko‘ra, uning yangi partiyasining maqsadi “Gretsiyaning yangi ozod bo‘lishi” bo‘ladi. Siyosatchi Rossiya Ukrainada haq ekanini ta’kidlagan. “Bizda tinchlik bo‘lishi uchun, Yevropa va dunyoda yaxshi muhimt bo‘lishi uchun u g‘alaba qozonishi kerak. Boshqa yechim yo‘q”, - deb hisoblaydi u.
Rossiya 24 fevral kuni Ukrainada maxsus harbiy operatsiya boshlanganini e’lon qildi. Rossiya prezidenti Vladimir Putin ushbu operatsiyaning maqsadi "sakkiz yil davomida Kiyev rejimi tomonidan Donbassda tahqirlangan va genotsidga uchragan odamlarni himoya qilish" deb atagan.
Buning uchun Ukrainani demilitarizatsiya (harbiy infratuzilmalarini yo‘q qilish) va denatsifikatsiya (millatchilik g‘oyalaridan tozalash) qilish talab etiladi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Donald Tramp 27 yoshli Karolin Levittni Oq uy matbuot kotibi etib tayinlamoqchi
Omega-3 qanday qilib ozishga yordam beradi?
Endi operatsiyadan so‘ng kesmalar o‘rni ikki barobar tezroq bitishi mumkin
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Shols va Putin o‘rtasidagi suhbat Kiyevga signal bo‘ldi
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
