Moskvadagi turnirda shaxmatchi robot raqibi bo‘lgan bolaning barmog‘ini sindirib qo‘ydi

^{Foto: «Vesti.az»}
Moskva shaxmat federatsiyasi prezidenti Sergey Lazarevning aytishicha, Moscow Chess Open xalqaro forumi vaqtida shaxmatchi robot yetti yoshli bolaning barmog‘ini sindirib qo‘ygan. Uning so‘zlariga ko‘ra, bola mashinaning harakati yakunlanishini kutmasdan, shoshilgancha shaxmat donasiga qo‘l uzatgan. Natijada robot bolaning ko‘rsatkich barmog‘idan ushlab, qattiq qisib qo‘ygan. Bu haqda TASS xabar berdi.

Atrofdagilar bolaning barmog‘ini robotning "panjasi"dan olib tashlashga yordam berishgan, biroq barmoqning sinishdan saqlab qolishni iloji bo‘lmadi. Shundan keyin, bolaning qo‘lini gipslashdi, ertasi kuni esa u o‘ynashni davom ettirdi. Ko‘ngillilar unga harakatlarni yozib olishga yordam bermoqda.

Bolaning ota-onasi prokuraturaga murojaat qilmoqchi, biroq Moskva shaxmat federatsiyasi vitse-prezidenti Sergey Smagin bolaning o‘zi qoidalarni buzgan deb hisoblayapti.

- Muayyan xavfsizlik qoidalari bor, bola o‘yin vaqtida ularni buzgan va robot harakatlanayotganda kutish kerakligini sezmagan, — deydi Moskva shaxmat federatsiyasi vitse-prezidenti Sergey Smagin.

Bundan tashqari, Smagin ushbu robot «uzoq vaqtdan beri, ya’ni 15 yildan beri shaxmat o‘ynashini» va bu vaqt ichida bunday hodisalar u bilan sodir bo‘lmaganini ta’kidladi.

Shuni ta’kidlash kerakki, mazkur robot kerakli «proshivka»ga (maxsus sozlama) ega oddiy sanoat qurilmasi. Robot massasi katta bo‘lgani va tez harakatlanishi tufayli beton asosga o‘rnatilishi kerak, aks holda u chayqalishi natijasida ag‘anab tushishi mumkin. Uning yonida bo‘lgan odamlar xavfsizlik choralariga rioya qilishlari, shu jumladan, maxsus bosh kiyim kiyishlari lozim. Biroq, Smaginning so‘zlariga ko‘ra, shaxmat robotining turnirlarda ishtirok etishini taqiqlash haqida hech qanday gap yo‘q.

Qurilma mutlaqo xavfsizdir. Nima sababdan bu voqea sodir bo‘lganini tahlil qilish kerak bo‘ladi. Robot ixtirochisi juda iste’dodli, faqatgina endi unga qo‘shimcha himoya tizimini o‘rnatish kerak, xolos. Rostini aytsam, men robot qanday sozlanishi kerakligi bo‘yicha mutaxassis emasman, lekin uning ishtirokida ko‘plab musobaqalar kutilmagan voqealarsiz o‘tganini inobatga olsak, sodir bo‘lgan holat dastlabkisidir. “Zamin” yangiliklarini “Youtube”da kuzatib boring