Dreame kompaniyasi Rossiya bozoriga lidar navigatsiyasi bilan jihozlangan A1 Pro 2000 robotlashtirilgan oʻt oʻrgichini taqdim etdi. Ushbu qurilmaning oʻziga xos jihati shundaki, u hudud boʻylab cheklovchi simlarni yotqizishni talab qilmaydi. Yangi modelning narxi taxminan 180 ming rublni tashkil etmoqda. Bu haqda Ixbt.com xabar beradi.
Modelning asosiy texnologik ustunligi 3D-lidarli “Omnisense” tizimidir. Bu tizim yordamida qurilma mustaqil ravishda maydon xaritasini tuzadi va unda bemalol harakatlanadi. Foydalanuvchi oʻt oʻrish zonalari va taqiqlangan hududlarni bevosita mobil ilova orqali belgilashi mumkin.
Dreame A1 Pro 2000 maydoni 2000 m² gacha boʻlgan hududlar uchun moʻljallangan va bir sutkada 1000 m² maydonni qayta ishlashga qodir. Oʻtni kesish balandligi 30 mm dan 70 mm gacha boʻlgan diapazonda sozlanadi.
Shuningdek, robotda toʻsiqlarni aniqlash tizimi joriy etilgan boʻlib, u daraxtlar, bogʻ mebellari, oʻyinchoqlar va uy hayvonlarini chetlab oʻtadi. Qoʻshimcha funksiyalar qatoriga bazaga avtomatik qaytish, jadval asosida ishlash va yomgʻir datchigi kabi imkoniyatlar kiritilgan.
“Zamin”ni Telegramʻda oʻqing!
