Foto: EPA
AQSH Federal qidiruv byurosi (FQB) sobiq prezident Donald Trampning uyida tintuv o‘tkazmoqda, deb yozadi «RBK» Trampning safdoshlari Twitter-sahifasida e’lon qilingan bayonotiga tayanib.
«Bizning xalqimiz uchun haqiqatda qorong‘i davrlar boshlandi, chunki mening Palm-Bich (Florida shtati)da joylashgan Mar-a-Lago qarorgohidagi chiroyli uyim ayni paytda FQB xodimlari tomonidan o‘rab olingan, ular u yerda tintuv o‘tkazmoqda», — dedi Tramp.
The New York Times vaziyatdan xabardor manbalariga tayanib yozishicha, FQB Trampning uyini u Oq uyni tark etganidan keyin o‘zi bilan olib ketgan hujjatlar tufayli tintuv qilmoqda. Hujjatlarda maxfiy ma’lumotlar bo‘lishi mumkin.
Nashrga ko‘ra, AQSH milliy arxivi «ko‘p oylar davomida» 15 quti hujjatlarni qaytarishni so‘ragan va ushbu hujjatlar yo‘q qilinishi ehtimoli yuzasidan FQBga murojaat qilgan. «Janob Tramp o‘z prezidentligi davrida hukumat arxivlarida saqlanishi kerak bo‘lgan rasmiy qog‘ozlarni yo‘q qilib tashlagani bilan tanilgan», — deb yozadi gazeta.
Trampning so‘zlariga ko‘ra, uni hech kim tintuv haqida ogohlantirmagan. Tintuvning o‘zini Tramp «shart bo‘lmagan narsa» deb atadi. Sobiq prezident FQBni tartibni buzishda, «radikal so‘l demokratlar»ni (AQSH Demokratik partiyasi) esa huquq-tartibot tizimidan qurol sifatida foydalanishda aybladi. Trampning fikricha, demokratlar «uning 2024 yilgi prezident saylovida qatnashishini o‘lguday istamayapti».
AQSHda avvalgi prezidentlik saylovlari 2020 yilning noyabr oyida bo‘lib o‘tgan. Saylov natijalariga ko‘ra, Tramp 232 ta, uning raqibi Jo Bayden 306 ta ovoz to‘plagan. Bayden ovoz berish adolatli o‘tganini ta’kidlaydi.
2021 yilning yanvar oyi boshida Vakillar palatasi saylov natijalarini ma’qullaydigan kuni Tramp tarafdorlari Vashingtonda mitingga yig‘ildi. Namoyishchilar Kapitoliyni egallab oldi, ularga qarshi ko‘zni yoshlatuvchi gaz va shovqinli granatalardan foydalanildi. To‘qnashuvlarda besh kishi halok bo‘lgan. Bayden Trampni zo‘ravonlikka undaganlikda aybladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Global ochlik va qashshoqlikka qarshi kurash alyansiga 82 mamlakat a’zo bo‘ldi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Tyumen oblastiga O‘zbekistondan mehnat migrantlari ishga jalb qilinadi
KXDR Rossiyaga 100 minggacha harbiy yuborishi mumkin
Turkiya Isroil prezidenti samolyotini havo hududiga kiritmadi
Organizm o‘zini toksinlardan qanday tozalaydi?
Ijtimoiy tarmoqlar davrida ruhiy salomatlikni qanday saqlash mumkin?
Endi operatsiyadan so‘ng kesmalar o‘rni ikki barobar tezroq bitishi mumkin
