AQSH fuqarolari zudlik bilan Ukrainadan chiqib ketishga chaqirildi

^{Foto: Pxhere.com}
AQSH Davlat departamenti va Kiyevdagi elchixonasi Ukrainada jangovar harakatlar kuchayib ketishidan xavotirda. Shu munosabat bilan Ukrainada bo‘lgan barcha amerikaliklardan zudlik bilan chiqib ketish so‘raldi.

Davlat departamenti va diplomatlar Amerika razvedkasi ma’lumotlariga asoslanishayotgani aytilmoqda.

Elchixona tasdiqlagan ma’lumotga ko‘ra, yaqin kunlar ichida Ukrainadagi fuqarolik infratuzilmalari va davlat ob’ektlariga zarbalar berilishi ehtimoli yuqori. Mamlakatni tark etish uchun, agar xavfsiz bo‘lsa, imkon qadar yer usti transportidan foydalanish tavsiya etilgan.

Eslatib o‘tamiz, 24 avgust — Ukraina mustaqilligi kuni. “Zamin”ni Telegramʻda oʻqing!