19:31 / 20.04.2016
6 539

Gitlerning tiz cho‘kib o‘tirgan haykali 15 million AQSh dollar evaziga auksionga qo‘yildi

Gitlerning tiz cho‘kib o‘tirgan haykali 15 million AQSh dollar evaziga auksionga qo‘yildi
Christie’s auksion uyi italiyalik rassom Maurisio Kattelanning “U” nomli haykalini auksionga qo‘ydi. Joriy yilning 8 may kuni Nyu-York shahrida “Muvaffaqiyatsizlikka uchrash” nomli auksionda “U” haykali sotiladi, uning boshlang‘ich narxi 10-15 million AQSh dollariga baholanmoqda. Bu haqda "Qalampir.uz" xabar bermoqda.

Mazkur haykal 2001 yilda yasalgan va u tiz cho‘kib o‘tirgan bolani aks ettirgan. Haykalning yuz qismi Gitlernidek ishlangan. 2012 yilda Polshada haykalning namoyishi mojarolarga sabab bo‘ldi, chunki u Varshava gettosi joylashgan hududga qo‘yilgan.

Auksionda tijoriy jihatdan muvaffaqiyatsizlikka uchragan asarlar qo‘yiladi. “Auksionni o‘tkazishdan maqsad, omadsizlikka uchragan ijodiy faoliyatni va boshqa ijodkorlarning ongli ravishda bunday xatoga yo‘l qo‘yishini oshkor qilishdan iboratdir”, deydi auksion uyining vakili.

Auksionda jami 39 ta lot qo‘yiladi. Ular orasida amerikalik rassom Jeff Kunsning shishadan yasalgan basketbol to‘pi ham bo‘ladi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Gitlerning tiz cho‘kib o‘tirgan haykali 15 million AQSh dollar evaziga auksionga qo‘yildi
[/banner_pushhouse