Afg‘oniston yana bir bor vertolyotlarni qaytarishni talab qildi

Afg‘oniston poytaxti Kobul shahrida bo‘lib o‘tgan press-konferensiyada mamlakatning Mudofaa vaziri Mavlavi Muhammad Yaqub Mujohid Tojikiston va O‘zbekistondan yana bir bor harbiy vertolyotlarni qaytarishni so‘radi.

Mudofaa vaziri vertolyotlar afg‘on xalqiga tegishli ekaniga urg‘u bergan va ularni qaytarishga harakatlar davom etishini bildirgan. Uning so‘zlariga ko‘ra AQSH vertolyotlarning qaytarilishiga qarshilik ko‘rsatmoqda. AQSH avvalgi hukumatga tegishli bo‘lgan harbiy texnika Afg‘oniston Islom Amirligiga qaytarilmasligini bildirgan.

Xalqaro huquq bo‘yicha mutaxassislarning ham bu borada fikri ikkiga ajralgan. Sobiq diplomat Fahim Kohdamani amaldagi hukumatga xalqaro hamjamiyat tomonidan kafolatlar berilmaguncha ushbu harbiy texnika aslo qaytarilishi mumkin emas desa, siyosiy tahlilchi Sodiq Shinvari vertolyotlar hech qanday shartlarsiz Afg‘onistonga qaytarilishi kerakligi ta’kidlaydi.

Elatib o‘tamiz, Afg‘onistonda siyosiy rejim o‘zgarishi vaqtida 60 dan ortiq vertolyot va boshqa harbiy texnika qo‘shni mamlakatlar hududiga olib o‘tilgan. “Zamin” yangiliklarini “Odnoklassniki”da kuzatib boring