Putin va Si Szinpinning bayonoti AQShni xavotirga soldi

Rossiya prezidenti Vladimir Putin va Xitoy rahbari Si Szinpinning Samarqandda boʻlib oʻtgan ShHT sammiti chogʻida aytilgan jahon sahnasida birlashgan front toʻgʻrisidagi bayonoti Qoʻshma Shtatlarda xavotir uygʻotdi. Bu haqda “The Washington Times” gazetasi uchun Bill Gerts yozgan.

“Si Szinpin va Putin xalqaro demokratiya va suverenitetga tahdid soluvchi yangi dunyo tartibini yaratishga harakat qilmoqda”, degan AQSh senatori Marshi Blekbern. Gazeta uning shu soʻzlarini keltirgan.

Maqolada qayd etilishicha, harbiy-dengiz kuchlarining iste'fodagi kapitani va Tinch okean flotining razvedka boshqarmasi sobiq direktori Jim Fannell ikki etakchi oʻrtasidagi uchrashuv Xitoy va Rossiya oʻrtasidagi strategik ittifoq kuchayib borayotganini koʻrsatganini ta'kidlagan, bu esa Gʻarb uchun yaxshilik keltirmasligi aytilgan.

“Muhim strategik ta'sir shundan iboratki, yangi alyans AQSh va uning ittifoqchilariga qarshi ikki frontda qarama-qarshilik koʻrsatish yoki urush va'da qiladi”, deyiladi nashrda.

Uning qoʻshimcha qilishicha, har qanday darajadagi amerikalik rahbarlar “bir vaqtning oʻzida ikkita teatrda” urush olib borishlari uchun “sovuq urush” standartiga qaytish vaqti keldi.

Payshanba kuni Samarqandda ShHT sammitida Rossiya prezidenti Vladimir Putin Xitoy rahbari Si Szinpin bilan muzokaralar oʻtkazdi. Rossiya rahbari Gʻarbning bir qutbli dunyo yaratishga boʻlgan urinishlarini tanqid qildi. Uning xitoylik hamkasbi Pekin Moskva bilan birgalikda mas'uliyatli jahon davlati namunasini koʻrsatishga va dunyoni barqaror va ijobiy rivojlanish yoʻliga olib chiqishga tayyorligini ta'kidladi. “Zamin” yangiliklarini “Telegram”da kuzatib boring