12:55 / 25.04.2016
5 727

Turkiyada mehmonxonalardagi nomerlar bahosi keskin tushib ketdi

Turkiyada mehmonxonalardagi nomerlar bahosi keskin tushib ketdi
Turkiyada sayyohlik sohasi inqirozi natijasida mamlakat mehmonxonalarining bahosi tushib ketdi. Masalan, Istanbuldagi mehmonxona nomerining o‘rtacha narxi bir kecha-kunduzga 140 evrodan 91,9 evrogacha pasaygan. Bu haqda "Kun.uz" xabar berdi.

Mamlakatdagi mehmonxonalar mart oyida oxirgi bir necha yil uchun eng past ko‘rsatkichga ega bo‘ldi. 2015 yildagi mehmonxonalarning to‘lishi bilan taqqoslaganda, ko‘rsatkich bu yil 16,5 foizga kam bo‘ldi. Jami barcha mehmonxonalarda 52,5 foiz nomerlar band etilgan. Turkiya asosan Rossiya, Germaniya va britaniyalik sayyohlarini yo‘qotdi.

Qayd etilishicha, avval dengiz bo‘yidagi mehmonxonlarda yashash shahardagisiga nisbatan qimmatroqqa tushardi, biroq hozirgi vaqtga kelib bu tafovut qisqardi.

Xorijlik sayyohlarning kamayishi munosabati bilan Turkiya mehmonxonachilari mamlakat hukumatiga xalqaro sayyohlik operatorlarini qo‘llab-quvvatlash choralarini kengaytirishni so‘rab murojaat qilishdi. Misol uchun, aviareyslarning may oyida tugashi kerak bo‘lgan subsidiya dasturi sentyabrga qadar uzaytirildi. Unga ko‘ra, Turkiyaga qatnovchi aviakompaniyalar har bir reys uchun olti ming dollarga ega bo‘lishadi.

Bundan tashqari, bunday to‘lov ko‘rinishlari endi nemis sayyohlik operatorlariga ham to‘lanadigan bo‘ldi. Mazkur choralar Turkiyaga sayyohlarni jo‘natuvchi sayyohlik firmalari qiziqishini oshirishiga umid qilinmoqda.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Turkiyada mehmonxonalardagi nomerlar bahosi keskin tushib ketdi
[/banner_pushhouse