15:03 / 26.04.2016
7 074

OAV: AQSh Suriyaga 250 nafar harbiy xizmatchisini jo‘natadi

OAV: AQSh Suriyaga 250 nafar harbiy xizmatchisini jo‘natadi
AQSh IShIDga qarshi kurashda ko‘ngillilarga yordam berish uchun Suriyaga 250 nafargacha harbiy xizmatchini jo‘natadi. Bu haqda Meduza xabar bermoqda.
The Wall Street Journal manbalariga ko‘ra, hozirda mamlakatda ellikka yaqin amerikalik maslahatchi faoliyat olib bormoqda. Shu tariqa, AQSh kontingenti olti barobar ortishi mumkin.

Suriyaga jo‘natilayotgan harbiylar orasida yordamchi personaldan tashqari maxsus bo‘linma jangchilari ham bo‘lishi ko‘zda tutilgan. Ularga IShIDga qarshi kurashga mahalliy sunniylarni ham jalb etish vazifasi qo‘yilgan. Shu paytga qadar AQSh Suriyada mahalliy kurd qurolli tuzilmalari bilan hamkorlik qilib kelayotgandi.

Eslatib o‘tamiz, oldinroq AQSh prezidenti Barak Obama Suriyaga yuboriladigan maxsus bo‘linmalar IShID jangarilari bilan bevosita to‘qnashuvlarga kirishmasligini ma’lum qilgandi, [leech=https://daryo.uz/2016/04/26/oav-aqsh-suriyaga-250-nafar-harbiy-xizmatchisini-jonatadi/]deyiladi [/leech]"Daryo" nashrida.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » OAV: AQSh Suriyaga 250 nafar harbiy xizmatchisini jo‘natadi