Turkmanistonda ayollarga davlat matbuoti orqali erlarini “ehtiromli bo‘lish” va “ismlari bilan chaqirmaslik” kerakligi eslatildi.
13 oktabr kuni “Neytral Turkmanistan” davlat nashri ayollarga erlarini hurmat qilish buyurilgan an’anaviy nutq odobi haqida maqola chop etdi. Turkmanistonning urf-odatlari, xulq-atvor qoidalari va an’analariga bag‘ishlangan turkum nashri “Turkmaniston yangiliklari” tomonidan e’tiborga olindi.
Odamlar bilan salomlashish va kattalar bilan muloqot qilishda "an’anaviy nutq xatti-harakatlari me’yorlari"ga qo‘shimcha ravishda, maqolada xotinning eriga qanday murojaat qilish kerakligi alohida tasvirlangan. “Turkman nutqi odob-axloqi xotinning eriga hurmat bilan munosabatda bo‘lishini belgilaydi: ayollar kamdan-kam hollarda turmush o‘rtog‘ini ismlari bilan chaqirishadi va suhbatda deyarli har doim uchinchi shaxsda tilga olishadi”, deyiladi unda.
Maqolada erkaklar qadimdan mardlik, jasorat va mas’uliyat bilan tarbiyalangani, har doim ham hissiyotlarga berilavermasligi eslatiladi.
"Odob qoidalari" bolalarni otasi bilan "vaziyatdan qat’i nazar, faqat tik turgan holda" gaplashishga undaydi. “Ota-onalar bilan janjallashishga mutlaqo yo‘l qo‘yilmaydi".
“Milliy nutq odobi”ga ko‘ra, “tutilmasdan, so‘z boyligidan unumli foydalanib, iqtiboslar, og‘zaki xalq og‘zaki ijodidan qo‘shib gapirish” lozim. Shunday nutq namunali bo‘ladi.
Sardor Berdimuhamedov otasi o‘rnini egallagach Turkmaniston ayollarga nisbatan cheklovlarni kuchaytirdi. Ularga kosmetika vositalaridan foydalanish, labga chiziq tortish, manikyur qilish, sochlarini bo‘yash, tor kiyim va jinsi shim kiyish, mashina haydash va avtomobilning old o‘rindig‘iga o‘tirish taqiqlangan. Mamlakat abortni ham amalda man qilgan. Ushbu qoidalarga rioya qilmagan ayollar hibsga olinadi, jarimaga tortiladi va hatto ishdan bo‘shatiladi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
