Isroilning Ukrainaga qurol yetkazib berish qarori beparvolik bilan qabul qilingan ko‘rinadi. Bu fikrni Rossiya Federatsiyasi Xavfsizlik kengashi raisi o‘rinbosari Dmitriy Medvedev telegram kanalida yozib qoldirdi.
Uning fikricha, Tel-Avivning bunday qarori “jiddiy oqibatlarga” olib kelishi mumkin.
"Rossiya Federatsiyasi va Isroil o‘rtasidagi barcha davlatlararo munosabatlar barbod bo‘lishi mumkin", - deya ogohlantirdi Medvedev.
Rossiya Federatsiyasi Xavfsizlik Kengashi raisining o‘rinbosari har qanday qurol yetkazib berish Ukrainadagi “natsistlar”ni qo‘llab-quvvatlash ekanini iddao qildi.
“Agar ular qurol-yarog‘ bilan ta’minlansa, Isroil Bandera va Shuxevichni o‘z qahramonlari deb e’lon qilish vaqti keldi”, — deb yozgan Medvedev.
Bir kun avval Isroil vaziri Naxman Shay Vazirlar Mahkamasiga Ukrainaga harbiy yordam ko‘rsatishni boshlashni taklif qilgan edi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
