
Foto: Getty Images
Donbassda shiddatli janglar davom etmoqda, dedi Ukraina prezidenti Vladimir Zelenskiy. Uning so‘zlariga ko‘ra, gap Pavlovka, Maryinka, Avdeyevka, shuningdek, Pervomayskoye posyolkalari haqida bormoqda.
«U yer jahannamga aylangan. Har kuni o‘ta shiddatli janglar kechmoqda», — dedi Zelenskiy o‘z murojaatida, uning matni Ukraina prezidenti ofisi saytida chop etilgan.
Vladimir Zelenskiyning ta’kidlashicha, Donbassdagi mudofaa Ukrainaga «boshqa yo‘nalishlarda hujum operatsiyalarini o‘tkazishga» imkon beradi. U mamlakati «mudofaa chizig‘ini saqlab qolishga» erishayotganini aytdi. Biroq Donetsk xalq respublikasi rahbari vazifasini bajaruvchi Denis Pushilin hafta boshida Rossiya harbiylari Pavlovkaning 90 foizini nazorat ostiga olishga muvaffaq bo‘lganini xabar qilgandi.
24 fevraldan beri Rossiya Ukrainada jangovar harakatlar o‘tkazmoqda. Sentyabr oyi oxirida Rossiya Donetsk va Lugansk xalq respublikalari, Xerson va Zaporoje viloyatlarini anneksiya qildi. Noyabr boshida Rossiya qo‘shinlari Xersondan chekinishni boshladi. 11 noyabr kuni Ukraina harbiylari Xersonga kirdi. “Zamin” yangiliklarini “Telegram”da kuzatib boring

Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar