Urushni o‘rganish bo‘yicha Amerika instituti (ISW) ma’lumotlariga ko‘ra, Rossiyada va uning nazorati ostidagi Ukraina hududlarida ukrainalik bolalarning keyinchalik rus oilalariga asrab olinishi uchun majburan olib ketilganini maqtagan ochiq kampaniya boshlandi.
Kremlparast “harbiy muxbirlar” va rasmiylar ijtimoiy tarmoqlarda ukrainalik bolalar Donbassdan olib chiqib ketilgan va ularning roziligisiz rossiyalik oilalarga joylashtirilgani haqidagi ko‘p qismli hujjatli filmni shiddat bilan tarqatmoqda, deyiladi ISW yangi hisobotida. Ushbu seriyada aytilishicha, birgina 2022 yilda Rossiya rasmiylari Donbassdan 150 mingdan ortiq bola evakuatsiya qilingan. ISW ma’lumotlariga ko‘ra, Rossiya manbalari bu ko‘rsatkichni qayerdan olgani noma’lum: Ukraina rasmiylari avvalroq bu raqamni 6-8 ming kishi deb hisoblashgan.
Bundan tashqari, Checheniston Respublikasi rahbari Ramzan Qodirov Rossiyaning bolalar huquqlari bo‘yicha komissari Mariya Lvova-Belova bilan birgalikda Rossiya viloyatlari va Ukrainaning bosib olingan hududlardan kelgan o‘smirlar ustida ish olib borayotganini aytdi. Bolalar Chechenistonga "profilaktik ishlar" va "harbiy-vatanparvarlik tarbiyasi" uchun yetkazib beriladi.
Tahlilchilarning fikricha, ta’til va reabilitatsiya dasturlari niqobi ostida bolalarni majburiy asrab olish va deportatsiya qilish sxemalari ommaviy aholini yo‘qotish kampaniyasining asosini tashkil qiladi. Bu genotsidning oldini olish va jazolash to‘g‘risidagi xalqaro konvensiyaning buzilishi, shuningdek, etnik tozalashning bir turi bo‘lishi mumkin.
ISW tadqiqotchilari e’tibor bergan boshqa voqealar:
“Vagner” guruhi moliyachisi Yevgeniy Prigojin o‘zini urush tarafdori, o‘ta millatchi jamiyatda markaziy shaxs sifatida ko‘rsatishda davom etmoqda. ISW Prigojinning shaxsiy armiyasi birinchi navbatda o‘zining siyosiy dasturi, ikkinchidan Rossiyaning Ukrainadagi harbiy harakatlariga xizmat qiladi, deb hisoblaydi. Ko‘rinib turibdiki, u o‘zining o‘ta vatanparvar shaxs sifatidagi qiyofasini mustahkamlab, parallel harbiylashtirilgan tuzilmalarni o‘rnatish va rus elitasiga qarshi harakatni shakllantirishga urinishlarini davom ettiradi.
Ko‘plab xabarlarda Ukrainaning Lugansk va Donetsk viloyatlaridagi rus qo‘shinlarining ruhiy holati nihoyatda pastligi qayd etilgan.
Rossiya hukumati bosib olingan hududlardagi mahalliy hamkorlarni Moskva himoyachilari bilan almashtirish, shuningdek, mahalliy aholini majburan ko‘chirish va bosib olingan hududlarni birlashtirish bo‘yicha sa’y-harakatlarni davom ettirmoqda.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
