19:39 / 15.01.2023

Amerikalik qiz «Koinot goʻzali-2022» tanlovi gʻolibi boʻldi (foto)

^{Foto: The US Sun}
Amerikalik R’Bonni Gabriel Nyu-Orlean shahrida oʻtkazilgan «Koinot goʻzali-2022» tanlovida gʻolib boʻldi. Bu haqda Insider xabar berdi.

R’Bonni 2022 yili «AQSh goʻzali» unvoniga sazovor boʻlgan, u 1994 yilda Texasda tugʻilgan. Ikkinchi oʻrinni Venesueladan qatnashgan nomzod qoʻlga kiritgan. Uchinchi pogʻonani Dominikan respublikasidan kelgan ishtirokchi egallagan.

Gabriel 10 yil ichida «Koinot goʻzali» tanlovida gʻolib chiqqan birinchi AQSh goʻzalidir. 2012 yilda bu tanlovda Olivia Kulpo gʻolib boʻlgan. Tanlov davomida Gabriel «Koinot goʻzali» 28 yoshdan oshgan ayollarga tanlovda ishtirok etishiga ruxsat berishiga umid bildirgan.

«Men 28 yoshdaman va bu musobaqada qatnashish uchun eng baland yosh chegarasi. Mening eng sevimli iqtibosim: Hozir boʻlmasa, qachon? Chunki ayol sifatida yosh bizni belgilamasligiga ishonaman. Hozir siz xohlagan narsangizga erishish mumkin boʻlgan vaqt», — degan u.

^{Foto: The US Sun}
28 yoshli Gabriel Texasning Xyuston shahrida model, modeler va tikuvchilik boʻyicha oʻqituvchi. U moda dizayni boʻyicha bakalavr darajasini qoʻlga kiritgan. Gabrielning AQSh goʻzali sifatidagi gʻalabasi sababli koʻplab ishtirokchilar tanlov uning foydasiga soxtalashtirilganini da'vo qilgan.

«Men hech qachon gʻalaba qozonishimni biladigan biror-bir tanlov yoki musobaqada qatnashmayman. Halollikni yoqlayman. Shaffof boʻlishni xohlayman, goʻzallik tanlovida hech qanday adolatsiz boʻlmagan va hech narsa soxtalashtirilmagan», — deydi u.