Gruziya Rossiyani o‘z hududining bosib olinishini rad etishni yozma ravishda qayd etishga chaqirdi

^{Foto: AFP via Getty Images}
Gruziya prezidenti Rossiya Federatsiyasi o‘zining haqiqiy chegaralari qayerda ekanini tushunishi kerakligini ta’kidladi.

Gruziya prezidenti Salome Zurabishvili Rossiya va Ukraina o‘rtasidagi ehtimoliy sulh kelishuviga o‘z mamlakati bilan bog‘liq holatni ham kiritishni taklif etdi. Jumladan, u Rossiyaning Gruziyani bosib olishdan bosh tortganini yozma ravishda qayd etishni so‘radi.

Bloomberg nashriga bergan intervyusida siyosatchi Ukrainaning Rossiya Federatsiyasi bilan urushda g‘alaba qozonishi masalasi Abxaziya va Shimoliy Osetiyaning Vladimir Putin tomonidan keyingi bosib olinishiga ta’sir qilishini aytdi.

«Rossiya o‘z chegaralari qayerdaligini tushunishi kerak. Gruziya masalasi muzokara stolida bo‘lishi kerak. Chunki hech kim bu urushni Rossiya mintaqadagi barcha bosib olingan hududlardan chekinmasdan turib hal qilish mumkin deb o‘ylamasligi kerak», dedi u.

Shu bilan birga, Zurabishvili Rossiya Ukrainadagi urushda deyarli mag‘lub bo‘lganini ta’kidladi. «Rossiya urushda to‘liq bo‘lmasa ham, deyarli mag‘lub bo‘ldi», dedi u.

Rossiya 2008 yilda Gruziyaga qarshi urush boshlab, Janubiy Osetiya va Abxaziyani bosib olish uchun o‘z qo‘shinlarini yubordi. Besh kunlik bosqindan so‘ng rus armiyasi Gruziya hududining taxminan 20 foizini egallab olishga va u yerda mustaqil «respublikalarni» e’lon qilishga erishgan edi. “Zamin” yangiliklarini “Telegram”da kuzatib boring