Messining akasi “Barselona” haqida aytgan gaplari uchun uzr so‘radi

Lionel Messining akasi Matias Messi avvalroq “Barselona” haqida aytgan gaplari uchun keskin tanqid qilingan edi. Uning so‘zlariga ko‘ra, ispan grandi ukasi tufayli taniqli klubga aylangan va ular bu jamoaga qaytib bormaydi. Ushbu holatdan keyin "qahramon aka" kechirim so‘rab chiqdi.

“Men aytgan gaplarim uchun uzr so‘ramoqchiman. Qanday qilib “Barsa”dek buyuk va o‘z tarixiga ega klubga bunday deyishim mumkin. Kataloniya bizning ikkinchi uyimiz”, - dedi Matias Messi.

Lionel Messining PSJ bilan amaldagi shartnomasi mavsum so‘ngida o‘z nihoyasiga yetadi. U hali kelajagi haqida bir qarorga kelmagan va “Barselona”ga erkin agent sifatida qaytish ehtimoli bor. “Zamin” yangiliklarini “Telegram”da kuzatib boring