Prigojin isyoni tugadi. «Vagner» harbiylarining Rostovdan ketishi suratlarda

23 iyun kuni «Vagner» XHK rahbari Yevgeniy Prigojin mudofaa vaziri Sergey Shoygu va Bosh shtab boshlig‘i Valeriy Gerasimovni jinoyatlarda ayblab, Rossiyada harbiy isyon boshladi. Prigojinning yollanma askarlari Rostov-Don markaziga og‘ir harbiy texnikalarni olib kirishdi va Janubiy harbiy okrug shtabini egalladi. Biznesmen Moskva tomon «adolat marshi» uyushtirishini e’lon qildi. 

Shanba kuni kunduzi «vagnerchilar» kolonnasini Voronej va Lipetsk oblastlarida ko‘rishdi. Ammo kechga borib Prigojin yollanma jangchilar «kolonnalarni ortga qaytargani» va «reja bo‘yicha dala lagerlari yo‘nalishida harakatlanayotgani» haqida ma’lum qildi.

Bu uning Vladimir Putin iltimosi bo‘yicha Aleksandr Lukashenko bilan o‘tkazgan telefon muloqotidan keyin ro‘y berdi. «Vagner» jangchilari olqishlar va mahalliy aholining hayqiriqlari ostida Rostov-Donni tark etishdi. Quyida ushbu jarayon aks etgan suratlar.