"Rossiya kelishuvdan chiqqaniga qaramay, Ukraina dengiz portlaridan don eksporti davom etishi kerak", dedi Ukraina Prezidenti.
Dushanba kuni Rossiyaning Ukraina g‘allasini Qora dengiz portlaridan eksport qilishga ruxsat beruvchi bitimdan chiqish haqidagi qarori keng ko‘lamli norozilikka sabab bo‘ldi. Shartnoma bug‘doy kabi hayotiy muhim va global tovarlar narxining barqarorligini ta’minlashga yordam berayotgan edi. BMT Bosh kotibi Antoniu Guterrish dushanba kuni soat 21:00 da rasman nihoyasiga yetgan bir yillik kelishuv haqida: “Hayot manbai va notinch dunyoning umid chirog‘i edi”, dedi.
Guterrish o‘tgan hafta Rossiya prezidenti Vladimir Putinga yo‘llagan maktubidagi kelishuvni saqlab qolish takliflari berilgan bandi e’tiborga olinmaganidan "Chuqur tashvishda ekanini" aytdi. "Rivojlanayotgan mamlakatlarda ham bu borada tanlov yo‘q. Yuz millionlab odamlar ocharchilikka duch kelmoqdalar va iste’molchilar yashash va tirik qolishning global inqiroziga uchramoqda ", dedi u.
Kreml matbuot kotibi Dmitriy Peskov dushanba kuni Rossiya o‘z ishtirokini to‘xtatayotganini va faqat Rossiya mahsuloti bilan bog‘liq shartlar bajarilgandan keyin kelishuvni tiklashini aytdi. Moskva Qora dengizdagi don kelishuvida kelgusi hamkorlik evaziga Rossiyaning oziq-ovqat va o‘g‘it eksporti yo‘lidagi to‘siqlar olib tashlanishini istashini aytdi. Kreml, xususan, to‘lovlar, logistika va yuklarni sug‘urtalash bo‘yicha G‘arb sanksiyalaridan xalos bo‘lishga intilmoqda.
Ammo Qo‘shma Shtatlar va Yevropa davlatlari Moskvaning shikoyatlarini asossiz deb rad etib, ularning sanksiyalari Rossiya don va o‘g‘itlariga qarshi emasligini aytdi. Oq uy Milliy xavfsizlik kengashi spikeri Jon Kirbining aytishicha, AQSH Ukrainadan g‘alla olib chiqilishini ta’minlash uchun, boshqa davlatlar bilan ishlashda davom etadi. Qo‘shma Shtatlar eksportga yo‘naltirilgan donni himoya qilish uchun harbiy yo‘llarga bosh urishni istamaydi, deya qo‘shimcha qildi Kirbi.
Al-Jazira muharriri Jeyms Bays BMTning Nyu-Yorkdagi shtab-kvartirasidan xabar berishicha, Rossiya ishtirok etmagan BMT majlisida Ukraina tashqi ishlar vaziri Dmitriy Kuleba Bosh kotibga Zelenskiy taklif qilgan kelishuv davom etayotgani, “Endi faqat Ukraina, Turkiya va boshqa davlatlar nazoratida amalga oshiriladi”, degan taklifni ilgari surganini aytdi.
"BMTning yuqori martabali rasmiylari bunga juda shubha bilan qarashadi", dedi Bays.
"Ularning aytishicha, hech bir yuk tashish yoki sug‘urta kompaniyasi o‘z kemasini Rossiya hujumi ostida qolishini istamaydi", dedi u.
Manba: Azon.uz
“Zamin” yangiliklarini “Youtube”da kuzatib boring
