Ukraina dronlari Moskvaga hujum qildi

Bugun, 30 iyulga o‘tar kechasi «Moskva-Siti» biznes markazida joylashgan «IQ-kvartal» binosida portlash sodir bo‘ldi. Bu haqda TASS agentligi xabar bermoqda.

Voqea joyiga tezkor xizmatlar va huquq-tartibot idoralari yetib kelgan. Portlash natijasida bir qo‘riqchi jarohat olgan. Birinchi qavatdan to‘rtinchi qavatgacha oynalar singan.

Rossiya Mudofaa vazirligi ma’lumotlariga ko‘ra, hujumda uchta dron ishtirok etgan: ulardan biri Moskva viloyatining Odinsovo tumanida havoda yo‘q qilingan, qolgan ikkitasi elektron vositalar yordamida zararsizlantirilgan.

Moskva shahri va Moskva viloyati havo zonasida parvozlar taqiqlangan.