Qozog‘istonda Prezident administratsiyasi tuzilmasi qayta tashkil etildi

^{Foto: Google Images} 

Qozog‘iston prezidenti Qosim-Jo‘mart To‘qayev davlat rahbari administratsiyasini qayta tashkil etish to‘g‘risidagi farmonni imzoladi, unga ko‘ra administratsiya rahbari o‘rinbosarlari lavozimlari tugatildi.

“Ushbu hujjatga muvofiq, Prezident administratsiyasining yangilangan tuzilmasi quyidagilardan iborat bo‘ladi:

• Prezident administratsiyasi rahbari;
• xavfsizlik kengashi kotibi;
• Prezident kanselyariyasi rahbari;
• prezident yordamchilari;
• prezident maslahatchilari;
• Prezident administratsiyasi bo‘limlari”, — deyiladi prezident matbuot xizmati xabarida.

Bundan tashqari, prezidentning ichki siyosat va kommunikatsiyalar, iqtisodiyot, xalqaro munosabatlar, huquq, shuningdek, fan va innovatsiyalar bo‘yicha yordamchilari lavozimlari tashkil etilmoqda.

Shuhrat Razzakov

«ZAMIN.UZ» muharriri