Gretsiyada qo‘ylar 100 kilogramm nashani yeb qo‘ydi

^{Foto: CCBY}

Gretsiyada qo‘ylar galasi issiqxonaga kirib, nasha plantatsiyasini yeb tashladi. Bu haqda Greek Reporter xabar bermoqda.

Yarmini suv bosgan Saloniki tekisligida o‘tlab yurgan qo‘ylar ozuqa izlab tibbiy nasha yetishtiruvchi fermerning issiqxonasiga bostirib kirgan. Qo‘ylarni qidirib fermaga yetib kelgan cho‘pon suruvning g‘alati xatti-harakatlariga qarab, ular anchagina kannabis yeyishga muvaffaq bo‘lganini taxmin qildi.

Keyinchalik fermer hayvonlar 100 kilogrammga yaqin nasha hosilini nobud qilganini aniqladi. Shu bilan birga, u jurnalistlarga avval hosilning bir qismi “Daniel” bo‘roni tufayli zarar ko‘rganidan shikoyat qildi.

 “Kulishni ham yig‘lashni ham bilmayman”, — dedi u voqeaga izoh berib.

Qo‘ylarning kannabis issiqxonasiga bostirib kirishiga katta ehtimol bilan o‘t-o‘lanlar taqchilligi sabab bo‘lgan. Yaqinda sodir bo‘lgan dahshatli bo‘ron va suv toshqinlari tufayli Gretsiyadagi ko‘plab yaylovlar, ayniqsa Saloniki tekisligini suv bosdi, chorva mollari ozuqasiz qoldi, ba’zi ekinlar nobud bo‘ldi.

Шухрат Раззаков

«ZAMIN.UZ» muharriri

Mavzuga oid yangiliklar

Putin: Pasxa bayrami bizga sevgi va umid, yaxshilik va adolatga ishonch bag‘ishlaydi

Kecha, 18:23

Xitoylik olimlar vodorod asosidagi portlovchi qurilmani sinovdan o‘tkazdi

Kecha, 15:49

Rossiya va Ukraina «246 ga 246» sxemasi bo‘yicha asirlar almashuvi o‘tkazdi

Kecha, 15:21

Putinning «Pasxa sulhi» haqida nima deyishmoqda?

Kecha, 15:01

Taniqli bloger Goar Avetisyan soliqlar bo‘yicha katta qarzdorlikka tushib qoldi

Kecha, 14:56

Bill Geytsning sobiq rafiqasi ajrashishning haqiqiy sababini ochiqladi

Kecha, 12:27