17:48 / 18.07.2016
6 559

Turkiyadagi isyon AQSh bilan munosabatlarni buzadi?!

Turkiyadagi isyon AQSh bilan munosabatlarni buzadi?!
Turkiyadagi harbiy to‘ntarishga harakat AQShning tashqi siyosatiga o‘z ta’sirini ko‘rsatishi mumkin. Bu haqda “The Wall Street Journal” nashriga asoslanib "Qalampir.uz" xabar bermoqda.

Nashrning yozishicha, Vashington Fathulla Gulen tufayli Anqara bilan keskin mojaroga borishi mumkin. Turkiya Gulenni 15 iyuldagi harbiy to‘ntarishni amalga oshirishda ayblamaqda va AQShdan uni ekstradisiya qilishini so‘radi. Lekin Gulen davlatga qarshi isyonda qo‘li yo‘qligini ma’lum qilgan.

NATOning a’zosi va AQShning IShIDga qarshi kurashishda asosiy ittifoqchisi bo‘lgan Turkiyadagi har qanday “demokratiya eroziyasi” Oq uy rahbari oldidagi vazifalarni yanada murakkablashtiradi, deb yozadi WSJ.

Turkiyaning strategik joylashuvi va G‘arb bilan aloqalari uni AQSh uchun IShIDga qarshi kurashishda muhim hamkorga aylantirdi, shuningdek, uning Suriya mojarosini va migrasiya inqirozini hal etishda roli juda katta. Vashingtonning Turkiyada bevosita manfaatlari ham bor, bu AQShning Yaqin Sharqdagi strategiyasida muhim ahamiyat kasb etadigan Injirlik aviabazasidir.

Maqolada yozilishicha, Buyuk Britaniyadagi referendum Evropa Ittifoqi uchun qiyinchiliklar tug‘dirayotganidek, Turkiyadagi davlatga qarshi isyon NATO uchun yangi muammolarni keltirib chiqarishi va alyansning sharqiy qismida “keskin beqarorlikka” sabab bo‘lishi mumkin.

Nashrning so‘zlariga ko‘ra, Turkiyada bo‘lgan muvaffaqiyatsiz davlat to‘ntarishi turli mamlakatlardagi terroristik harakatlar, KXDRning raketa uchirishi va boshqa voqealar bilan bir qatorda so‘nggi paytlarda bo‘lgan muhim voqealardan biri bo‘ldi.

Turkiya G‘arb va Yaqin Sharq o‘rtasida barqaror ko‘prik sifatida AQSh uchun muhim bo‘lgan. Ammo Obama o‘zidan keyin keladigan prezidentga Turkiya bilan aloqalarni o‘zgacha ahvolga solib topshirmoqda. Anqara bilan aloqalarda Oq uyning keyingi rahbari qanday yo‘ldan borishini aniqlab olishi kerak, deyiladi maqola so‘nggida.

Ma’lumot o‘rnida, Fathulla Gulen 1941 yilda tug‘ilgan. Ayni damda u AQShning Pensilvaniya shtatida quvg‘inda yashaydi. Turkiya hukumati uni terrorchi guruh (FETO) rahbari sifati e’lon qilgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Turkiyadagi isyon AQSh bilan munosabatlarni buzadi?!