12:38 / 20.07.2016
10 351

AQShlik ayol 2 yil ichida 6ta farzandli bo‘ldi

AQShlik ayol 2 yil ichida 6ta farzandli bo‘ldi

Kanzaslik 20 yoshli Danesha Kouch 2014 yilning aprelida ikki o‘g‘il, 2015 yilning mayida qizaloqlar Delayla va Davina, o‘tgan oyda esa ayol egizaklar Darla va Delanilarni dunyoga keltirdi. Bu haqda “Medportal.ru” ga asoslanib “Qalampir” nashri xabar beradi. Garchi u dunyoga keltirgan go‘daklarning umumiy soni 6ta bo‘lsada, o‘g‘illaridan biri to‘g‘ruqdan so‘ng ko‘p o‘tmay vafot etgan.

Daneshaning 2 yil ichida 3 marta egizak farzandlarni dunyoga keltirgani juda kam uchraydigan holat. Bolalarning barchasi kesarcha kesish yo‘li bilan dunyoga kelgan.

Akusher-ginekolog Marjori Grinfild Danishaning qisqa muddatda faqat egizaklarga homilador bo‘lishini genetika bilan bog‘laydi. Uning so‘zlariga ko‘ra, Danishaning bachadonida bir emas birvarakayiga ikkita tuxum hujayra etiladi. Shu sababli ham uning har safar egizaklarga homilador bo‘lish ehtimoli ortaveradi.

Danishaning aytishicha, o‘zi ham turmush o‘rtog‘i ham ko‘p bolali oiladan.

“Onam 12 farzandni dunyoga keltirgan. Turmush o‘rtog‘imning esa 8ta aka-singillari bor. Biroq onamda ham, turmush o‘rtog‘imning oilasida ham egizaklar bo‘lmagan. Ayni vaqtda bolalarim bilan bandman. Har kuni 35ta taglik kerak bo‘ladi. Iyun oyida tug‘ilgan qizaloqlarimni ko‘krak suti bilan boqyapman, qolganlariga bolalar bo‘tqasi berishga majburman. Shu sababli bo‘tqalarning o‘ziga har haftada 100 AQSh dollari miqdoridagi mablag‘ni sarf etamiz”, deydi Danisha.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)