Zelenskiy ofisi: Ukrainadagi urush to‘satdan tugashi mumkin

^{Foto: Reuters}

Ukraina prezidenti ofisi rahbari Andrey Yermak urush kutilmaganda tugashi mumkinligini aytdi. Bu haqda New Voice xabar berdi.

“Ochig‘ini aytsam, menimcha, urush qachon tugashini hech kim bilmaydi. U to‘satdan tugashi mumkin. Aynan shuning uchun hamma narsa qilinmoqda, bunga ko‘p omillar ta’sir qiladi. Lekin bu imkon qadar tezroq sodir bo‘lishini juda xohlardim”, — dedi Yermak.

Urushni 100 metrga yugurish bilan solishtirgan Yermak, “allaqachon 100 metrdan 70 metr bosib o‘tilgani, ammo oxirgi 30 metr eng qiyini” ekanini aytdi.

“Agar allaqachon o‘zingizni g‘olibdek his qilsangiz, unda hamma narsani yo‘qotishingiz mumkin”, — deya xulosa qildi u.