Foto: BBC
Xitoyning sobiq yetakchisi Mao Szedun imzolagan rasmiy davlat ziyofat menyusi kimoshdi savdosida 275 ming dollarga sotildi. Bu haqda Associated Press agentligi ma’lum qildi.
Bostonda joylashgan RR Auction kompaniyasi Pokiston bosh vaziri Husayn Shahid Suhravardining Xitoyga birinchi davlat tashrifini nishonlash uchun 1956 yil 19 oktyabrda Pekinda bo‘lib o‘tgan ziyofat uchun mo‘ljallangan menyu sotilishini e’lon qildi.
Menyuga oltita Xitoy davlat arbobi, jumladan, Mao Szedun va bosh vazir Chjou Enlay qalam bilan imzo chekishgan. Ziyofatda ikki mamlakat taomlari, shu jumladan, qaldirg‘och uyasi va qo‘ziqorinli konsome, jigarrang sousda akula suzgichi, qovurilgan Pekin o‘rdagi kabi tansiq taomlar tortilgan.
“Mao Szedun va Chjou Enlay imzolagan menyuni qo‘lingizda ushlab turish o‘nlab yillar davomida saqlanib qolgan diplomatik aloqalar, madaniy almashinuv va do‘stlik haqida hikoya qiluvchi o‘tmishdan bir parchani ushlab turishdir”, — dedi RR auksioni ijrochi direktori Bobbi Livingston.
“Zamin” yangiliklarini “Telegram”da kuzatib boring
