Foto: Reuters
29 dekabrga o‘tar kechasi Ukrainaga qilingan hujum chog‘ida Rossiya qo‘shinlari 158 ta havo hujumi qurolidan, jumladan, 36 ta Shahed-136/131 hujumkor uchuvchisiz uchog‘i va 122 ta turli raketalardan foydalangan. Bu haqda 29 dekabr, juma kuni Ukraina qurolli kuchlari bosh qo‘mondoni Valeriy Zalujniy Telegram'da xabar berdi. Zalujniyning so‘zlariga ko‘ra, ukrainaliklar 27 ta dron va 87 ta qanotli raketani urib tushirishga muvaffaq bo‘lgan.
Rossiya Federatsiyasida bugun ertalabki kabi yirik raketa hujumlarini takrorlash uchun yetarlicha raketa zaxirasi bor, dedi mudofaa vaziri Rustem Umerov. «Shubhasiz, davlatda mavjud bo‘lgan bunday raketa zaxiralari bilan ular bunday hujumlarni davom ettirishi mumkin va davom ettiradi», — deb yozdi u Facebook'da.
Rossiyaliklar birinchi navbatda shimoliy va janubi-sharqiy yo‘nalishlardan «shahedlar»ni uchirdi, keyin esa g‘arbiy yo‘nalishda harakat qilishdi. Taxminan tungi soat 3 da, deb xabar qildi Zalujniy, Rossiyaning 18 ta Tu-95MS bombardimonchi samolyoti osmonga ko‘tarilib, ertalab soat 6 da uchirish chizig‘iga yetib keldi. Ular kamida 90 ta X-101/X-555/X-55 qanotli raketalarini uchirdi.
Hujum natijasida, so‘nggi ma’lumotlarga ko‘ra, 18 kishi halok bo‘lgan, yana 132 kishi yaralangan.
Raketa zarbasi Rossiyaga 1,273 milliard dollarga tushdi
Taxminan ertalab soat 5 da rossiyaliklar Kursk viloyatidan uzoq masofaga uchuvchi Tu-22M3 bombardimonchi samolyotlaridan foydalana boshladi, ular Ukrainaning shimoliy va markaziy hududlari yo‘nalishi bo‘yicha sakkizta X-22/X-32 qanotli raketalarini uchirdi.
Erta tongda Rossiya S-300 boshqariluvchi zenit raketalari bilan Xarkivga ham hujum qildi. Qrim, Kursk va Belgorod viloyatlaridan kamida 14 ta S-300/S-400/Iskander-M raketalari uchirildi.
Ertalab soat yetti yarimda Rossiyaning beshta MiG-31K qiruvchisi havoga ko‘tarildi va Astraxan viloyatidan beshta X-47M2 «Kinjal» aeroballistik raketalarini uchirdi. Bundan tashqari, Su-35 taktik aviatsiya samolyotlaridan to‘rtta X-31P va bitta X-59 radiolokatsion raketalari uchirildi. «Suspilne» telekanali ma’lumotlariga ko‘ra, faqat uchirilgan raketalar va uchuvchisiz uchoqlar narxini hisobga olgan holda, Rossiya joriy hujumga 1,273 milliard dollar sarflagan.
“Zamin” yangiliklarini “Telegram”da kuzatib boring Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSh Venesuela prezidenti Maduro haqidagi ma'lumot uchun 25 million dollar mukofot tayinladi
Nima uchun Los-Anjeles yonmoqda?
Kanadaliklar AQSh tarkibida boʻlishni xohlaydimi? – “Tramp bezori, Mask esa tentak”
Pokistonning Afgʻonistonga zarbalari: “Tehrike Tolibon” qanday harakat?
AQSh hujum qilgan taqdirda Daniya Grenlandiyani himoya qila olmaydi
Zelenskiy Germaniyadagi ittifoqchilar uchrashuvi natijalari haqida nimalar dedi?
Suriyadagi kutilmagan inqilobdan soʻng oʻtgan bir oyda nimalar oʻzgardi?
Los-Anjelesdagi yongʻinlar: 10 kishi halok boʻldi, 9 mingdan ortiq inshoot zarar koʻrdi