Foto: Google Images
Ukraina prezidenti Vladimir Zelenskiy yangi yil murojaatida Ukraina 2023 yilda kuchayganini va 2024 yilda “dushman mahalliy ishlab chiqarishning haqiqiy kuchini his qilishini” aytdi.
“Bizning qurollarimiz, harbiy jihozlarimiz, artilleriyamiz, snaryadlarimiz, dronlarimiz va kamida bir million Ukraina dronlari. Biz mana shular bilan dushmanni 'mehmon' qilamiz. Quruqlikda, havoda va albatta dengizda. Bizning Qora dengizimizda. Bu yil dushman dengiz uning joyi emasligini his qildi”, — dedi Ukraina prezidenti.
Zelenskiy shuningdek, 2023 yil boshida Ukraina tarixdagi eng og‘ir qishni yengib o‘tganini eslatdi.
“Ukrainaliklar sovuq va zulmatdan kuchliroq ekanini isbotladi. Blekautlar bizga qo‘rqinchli emas. Ukrainaliklar har qanday quvvat taqchilligini yengib o‘tadilar, chunki ularda qat’iyat va jasorat bor. Biz zulmatda g‘oyib bo‘lmadik. Zulmat bizni yutib yubormadi. Zulmat bizga yengildi”, — deya qo‘shimcha qildi prezident.
“Zamin” yangiliklarini “Telegram”da kuzatib boring
