Foto: Anadolu Agency
Isroil armiyasi qamaldagi G‘azo sektorining bir qator hududlarida jangovar harakatlarning «uchinchi bosqichini» boshladi. Isroil davlat telekanali KAN xabariga ko‘ra, uchinchi bosqichga oz sonli harbiylar jalb etilgan.
Qayd qilinishicha, G‘azo shahri sharqidagi Ad-Daroj va At-Tuffah hududlarida davom etayotgan intensiv harbiy amaliyotlar kelasi hafta boshida yakunlanadi.
Avvalroq, Isroil armiyasi radiostansiyasi so‘nggi bir necha kun ichida G‘azoda Isroil qo‘shinlari soni kamaygani haqida xabar bergan edi.
Isroil matbuoti xabarlariga ko‘ra, «uchinchi bosqich» intensiv bombardimondan cheklangan bombardimonlarga o‘tishni va G‘azo sektoridan ko‘pchilik qo‘shinlarni olib chiqishni nazarda tutadi.
Isroil armiyasi «uchinchi bosqich»ga o‘tgani bo‘yicha rasman bayonot bermadi. Biroq, Isroilning G‘azo sektoridagi harakatlarini, jumladan, qo‘shinlarni qisqartirayotganini hisobga olgan holda, bu bosqich allaqachon boshlanganini aytish mumkinligi ta’kidlanmoqda.
Falastin tarafi ma’lumotlariga ko‘ra, 7 oktyabr kuni boshlangan mojarodan beri, isroilliklarning G‘azo hududlarini bombardimonlari oqibatida 22,3 ming kishi halok bo‘ldi, 57 mingdan ortig‘i jarohat oldi.
Isroil rasmiylari o‘z qurbonlari soni 1200 nafarga yaqinlashgani haqida xabar berdi.
“Zamin” yangiliklarini “Telegram”da kuzatib boring 
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zelenskiy Germaniyadagi ittifoqchilar uchrashuvi natijalari haqida nimalar dedi?
Suriyadagi kutilmagan inqilobdan soʻng oʻtgan bir oyda nimalar oʻzgardi?
Los-Anjelesdagi yongʻinlar: 10 kishi halok boʻldi, 9 mingdan ortiq inshoot zarar koʻrdi
Kanada AQSh bilan ehtimoliy savdo urushiga tayyorgarlikni boshladi
Los-Anjelesdagi yongʻinning kosmosdan koʻrinishi
Ukrainaning 2025 yilga moʻljallangan harbiy maqsadlari ma'lum qilindi
Rossiya elchisi: “AQSh Grenlandiyada yadroviy qurolli samolyotlar uchun infratuzilma yaratmoqda”
Los-Anjelesdagi yirik yongʻinlarga sabab boʻlgan gumonlanuvchi qoʻlga olindi
