Foto: Google Images
Eron "Sorayya" sun’iy yo‘ldoshi past Yer orbitasiga muvaffaqiyatli uchirilganini e’lon qildi, deb xabar berdi EFE agentligi.
Buning uchun eronlik muhandislar 100 kilogrammgacha yuk ko‘tara oladigan "Qaem-100" raketasidan foydalandi.
Biroq Eron rasmiylari sun’iy yo‘ldosh qanday vazifani bajarish uchun mo‘ljallanganini oshkor qilmadi.
Eron yadro quroliga ega bo‘lmoqchi deb gumon qilayotgan AQSH va uning qator ittifoqchilari eronlik mutaxassislar kosmik dasturdan ballistik texnologiyalarni sinovdan o‘tkazish uchun foydalanishidan xavotirda. Bunday texnologiyalar, asosan, yadro qurolini yetkazib berish vositalarini yaratish uchun zarur bo‘ladi.
Eron tomoni yadro dasturi tinch maqsadli ekaniga ishontirmoqda. Tehron kosmik dasturdan voz kechish niyatida emas.
“Zamin” yangiliklarini “Telegram”da kuzatib boring
