Uch milliondan ortiq ukrainaliklar safarbarlikdan qochib yurgani ma’lum qilindi

^{Foto: Google Images}
Ukrainada harbiy yoshdagi qariyb 3,4 million erkak Qurolli kuchlar safiga safarbar qilinishidan qo‘rqib, hukumatdan yashirinib yuribdi, dedi Oliy Radaning Iqtisodiy rivojlanish qo‘mitasi raisi Dmitriy Nataluxa.

“Bugungi kunda kamida 3,4 million erkak bor, ular haqida davlat faqat identifikatsiya raqamini biladi. Ular xorijda emas, Ukraina Qurolli kuchlarida emas, nogiron ham emas, o‘qimaydi va ishlamayapti”, — deydi u.

Nataluxaning so‘zlariga ko‘ra, hukumat bu odamlarning qayerdaligini bilmaydi, lekin ular iqtisodiy jarayonlarda ishtirok etadi. Shu bilan birga, bu odamlar “harbiy ro‘yxatga olish va chaqiruv boshqarmasi e’tiboriga tushmaslik uchun davlat banklaridan foydalanishni, naqd pul olishni, kredit kartalaridan foydalanishni, shaharlar o‘rtasida sayohat qilishni to‘xtatgan bo‘lishi mumkin”.

Ukrainada 2022 yil 24 fevraldan boshlab harbiy holat rejimi joriy etildi, ertasi kuni Vladimir Zelenskiy umumiy safarbarlik to‘g‘risidagi farmonni imzoladi. Harbiy holat davrida 18 yoshdan 60 yoshgacha bo‘lgan erkaklarning Ukrainadan chiqib ketishi taqiqlanadi.

Chaqiruv varaqasi turli joylarda topshirilishi mumkin. Bunday holat ko‘chalarda, yoqilg‘i quyish shoxobchalarida va kafelarda amalga oshirilgani haqida turli videolar paydo bo‘ldi.

Chaqiruvni safarbarlikka jalb qilingan erkak ishlaydigan korxona rahbarlari, uy-joy idorasi boshliqlari va boshqa mansabdor shaxslar ham amalga oshirishi mumkin. “Zamin” yangiliklarini “Telegram”da kuzatib boring