Qozog‘iston zilzilaga tayyorgarlik ko‘rmoqda

^{Foto: altainews.kz}
Qozog‘iston bo‘ylab 23 fevral kuni keng ko‘lamli seysmik mashg‘ulotlar o‘tkaziladi. Bu haqda Nur.kz xabar berdi.

Ma’lum qilinishicha, mashg‘ulotlar davomida zilziladan ogohlantirish sirenalari ishga tushiriladi. Korxona, tashkilotlar, ta’lim muassasalari va hokimliklar zilzila sodir bo‘lganda harakat qilish bo‘yicha ommaviy o‘quv mashg‘ulotlarida ishtirok etadi. Favqulodda vaziyatlar vazirligi barchani xotirjamlikka chaqirmoqda.

Seysmik mashg‘ulotlar paytida aholi xotirjam bo‘lishi va evakuatsiya qilinishi yoki xavfsiz joyda saqlanishi kerak bo‘ladi. Qutqaruvchilar zilzila xavfi yuqori bo‘lgan hududda yashovchilarga doimo qo‘llarida zarur buyumlar, dori-darmonlar va hujjatlar bo‘lgan favqulodda chamadon bo‘lishini tavsiya qiladi. Sharqiy Qozog‘iston Favqulodda vaziyatlar boshqarmasi xodimlari aholini seysmik tayyorgarlikda faol ishtirok etishga chaqirmoqda. “Zamin” yangiliklarini “Telegram”da kuzatib boring