Foto: Reuters
Rossiya prezidenti Vladimir Putin AQSH prezidenti Jo Baydenning unga nisbatan aytgan haqoratli so‘zlariga izoh berdi. Putin avvalroq Bayden AQSH prezidenti sifatida Rossiya uchun afzalroq, degan so‘zlarini eslatdi.
«Uning hozirgi aytganlariga qaraganda, men mutlaqo haqman. Chunki bu men tomondan aytilgan so‘zlarga adekvat munosabatdir. Nega? Chunki u menga: «Volodya, yaxshi, rahmat, menga ko‘p yordam berding», deb aytolmaydi. Biz u yerda ichki siyosiy nuqtayi nazardan nimalar bo‘layotganini tushunamiz. Va bu reaksiya mutlaqo adekvat, demak, men haq edim. Men aytganlarimni birinchi navbatda amerikalik tomoshabinlar uchun emas, balki bizning tomoshabinlar uchun aytdim», dedi u.
Bayden 21 fevral kuni saylovoldi tashviqoti tadbirida Putinni haqorat qildi. «Bizda itdan tarqalgan aqldan ozganlar bor, xuddi yigitcha Putin va boshqalar kabi. Va biz doimo yadroviy mojaro haqida qayg‘urishimizga to‘g‘ri keladi. Aslida insoniyat uchun ekzistensial tahdid iqlimdir», dedi AQSH prezidenti.
Rossiya prezidenti matbuot kotibi Dmitriy Peskov Baydenning so‘zlarini AQSH uchun mutlaqo bema’ni va uyatli deb atadi. Uning ta’kidlashicha, bunday iboralar «hech bir davlat rahbarini, ayniqsa prezident Putinni xafa qilishi dargumon».
«Agar mamlakat prezidenti bunday so‘zlarni ishlatsa, bu uyat bo‘lishi kerak», deb qo‘shimcha qildi Peskov.
2021 yil mart oyida Bayden «Putin - qotil» degan da’voga qo‘shilishini aytdi. Rossiya prezidenti bunga javoban amerikalik hamkasbiga sog‘liq tilab, boshqa odamlarga baho berish ko‘zguga qarashga o‘xshashligini ta’kidladi. «Bolaligimizda hovlida bir-birimiz bilan janjallashib qolganimizda shunday derdik: «Kim birovni yomon so‘z bilan atasa, aslida o‘zi shunday», dedi Putin. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Tramp Grenlandiyadan Rossiyaga qarshi qanday foydalanmoqchi ekani ma'lum boʻldi
Kurskda ikki nafar shimoliy koreyalik harbiy asirga olindi (foto)
Los-Anjelesdagi yongʻinlarning ehtimoliy sababchisi qoʻlga olindi
Qozogʻiston Markaziy Osiyo davlatlari orasida harbiy qudrat boʻyicha etakchiga aylandi
Moʻgʻulistonda hukumatga qarshi norozilik namoyishlari boshlandi
Zelenskiy shimoliy koreyalik jangchilar asirga olinganini ma'lum qildi
Jeju Air samolyotining qora qutilari 4 daqiqa oldin yozib olishni toʻxtatgan ekan
"Nashi" asoschisi: Putinning muvaffaqiyatsizliklarida amaldorlar aybdor!