Ukraina dronlar hujumiga uchradi

^{Foto: Yasuyoshi Chiba/AFP/Getty Images}
6 martga o‘tar kechasi Ukraina qurolli kuchlari harbiy-havo kuchlari Rossiya tomonidan Ukrainaga hujumkor uchuvchisiz uchoqlarning ommaviy ravishda uchirilishini qayd etdi. «Poltava viloyatida UUA - Mirgorod yo‘nalishida. Ikki guruh «shahedlar» Xarkiv viloyatiga - shimoli-g‘arbiy tomondan. «Shahedlar» Xerson viloyatiga - Mikolayiv yo‘nalishida. «Shahedlar» guruhi Odessa viloyati - Vinnitsaga yo‘l oldi. Qora dengizdan bir necha yangi uchuvchisiz uchoqlar guruhi Odessaga yaqinlashmoqda», — deyiladi Ukraina qurolli kuchlarining Telegram-kanalida yarim tunda e’lon qilingan postda.

Ukrainaning 15 viloyatida havo hujumi haqida ogohlantirish e’lon qilindi. Mahalliy hokimiyat va harbiy xizmatchilar Kiyev va Odessadagi havo hujumidan mudofaa ishlari haqida xabar berdi. Odessadagi «Suspilne» telekanali muxbirlarining xabar berishicha, shaharda ikkita portlash ovozi eshitilgan. Mahalliy «Dumskaya» internet-nashrining yozishicha, dron hujumi natijasida shahar markazi bir qismi va Moldavanka tumani bilan aloqa uzilgan.

Sumi viloyati politsiyasi xabariga ko‘ra, Sumi VHM turli hududlarida uchta uchuvchisiz uchish apparati zarbasi qayd etilgan. «Jabrlanganlar bor, ularga tibbiy yordam ko‘rsatilmoqda. Voqea joyida tez yordam xizmati ishlamoqda», - deya aniqlik kiritdi rasmiylar.

Odessadagi oldingi zarbada 12 kishi halok bo‘lgan edi

2 martga o‘tar kechasi Rossiya sakkizta Shahed dronlari bilan Odessaga hujum boshladi. Ulardan yettitasi havo mudofaasi tomonidan urib tushirilgan, bittasi ko‘p qavatli binoga urilgan. Natijada 12 kishi, jumladan besh nafar bola halok bo‘lgan. 3 mart, yakshanba shaharda motam kuni deb e’lon qilindi. “Zamin” yangiliklarini “Telegram”da kuzatib boring