Saudiya diplomati: “Ikki davlat yechimi masalasi hal etilsagina, Saudiya Arabistoni Isroilni tan oladi”

^{Foto: Reuters}
Saudiya Arabistoni Isroil bilan munosabatlarni to‘la uzishdan manfaatdor emas. Qirollik Tel-Aviv bilan munosabatlarini qayta tiklashi va hattoki Isroilni tan olishi mumkin. Buning uchun Isroil Yaqin Sharqdagi ikki davlat yechimi masalasini uzil-kesil yopib, Falastin davlati tuzilishiga imkon berishi kerak. Bu haqda shaxsini oshkor etmagan saudiyalik diplomat Al-Arabia nashriga ma’lum qilgan.

“Isroil tomonda mazkur qadamni qo‘yishimizga yordam beradigan sherigimiz yo‘q. Falastin ozod bo‘lmasa, Isroil va Saudiya aloqalari bo‘lmaydi”, — degan shaxsi noma’lum qirollik diplomati.

Xabarda aytilishicha, Isroil parlamentida o‘tgan so‘nggi yig‘ilish ikki davlat yechimi masalasini uzil-kesil rad etgan. Deputatlar Isroil tevaragida yangi bir arab davlati shakllanishi va qonuniy mustahkam suverenitetga erishishi masalasiga qat’iy qarshi chiqqan.

Oldinroq AQSH prezidenti Jo Bayden Isroil o‘z xavfsizligini kafolatlashining yagona yo‘li ikki davlat yechimi bo‘lishi haqida fikr bildirgan edi. Baydenga ko‘ra, Isroil va uning barcha arab qo‘shnilari, jumladan Saudiya Arabistoni o‘rtasida tinchlikni kafolatlaydigan boshqa yo‘l yo‘q. “Zamin” yangiliklarini “Telegram”da kuzatib boring