Iroq qarshilik kuchlari harbiy samolyoti Isroil havo kuchlari bazasini bombardimon qildi

^{Arxiv foto: Middle East Monitor}
14 mart kuni “Iroq islomiy qarshilik harakati” guruhi O‘rta Yer dengizi sohilidagi Isroil harbiy bazasini nishonga olgan. Oqibatda harbiy bazaga jiddiy shikast yetgan. Bu haqda IRNA nashri xabar berdi.

Xabarda aytilishicha, ushbu hujum qarshilik harakatining Suriyada faoliyat yurituvchi tarafdor guruhlari tomonidan tashkil etilgan. Qarshilik harakatiga tegishli harbiy dronlar Isroil g‘arbidagi Palmachim aviabazasiga hujumlar uyushtirgan.

So‘nggi ikki haftada Iroqdagi kuchlar tomonidan Isroilga qarshi ko‘plab operatsiyalar o‘tkazilgani xabar qilingan. Hujum dronlari Isroilning Livan bilan chegaradagi harbiy bazalari va harbiy ta’minot karvonlarini nishonga olgan.

Shu hafta boshida “Iroq islomiy qarshilik harakati” Al-Jalil hududida joylashgan Isroilning “Rash Pina” aeroportiga hujum tashkil etgan edi. Hujumda bir kishi halok bo‘lgani aytilgan edi. Guruh, shuningdek, Hayfa shahridagi mahalliy aeroport va elektr stansiyasiga ham hujum qilgan. Oqibatda Hayfadagi isroilliklarning bir guruhi elektr ta’minotidan ma’lum vaqt uzilib qolgan. “Zamin” yangiliklarini “Telegram”da kuzatib boring