BMT: G‘azoda kamida 1,1 mln odam ocharchilik xavfi ostida

^{Foto: Google Images}
G‘azo sektoridagi kamida 1,1 million kishi oziq-ovqat zaxiralarini tugatgan va halokatli ocharchilik xavfi ostida qolgan. Bu haqda BMT bosh kotibi Antoniu Guterrish Nyu-Yorkda G‘azo masalasi bo‘yicha matbuot bilan uchrashuvda aytib o‘tdi.

Guterrishning aytishicha, oziq-ovqat xavfsizligi bo‘yicha dunyoning yetakchi ekspertlari G‘azo shimolidagi ocharchilikning oldini olish ilojsiz ekanligini ma’lum qilishgan.

“G‘azodagi falastinliklarning yarmidan ko‘pi — 1,1 million kishi oziq-ovqat zaxiralarini to‘liq tugatdi, ularga halokatli ocharchilikka tahdid solmoqda. Xabarlarga ko‘ra, G‘azodagi falastinliklar dahshatli azob-uqubatlarni boshdan kechirmoqda”, — dedi u.

Shu bilan birga, Guterrish bu to‘xtatilishi mumkin bo‘lgan mutlaqo sun’iy ofat ekanligini ta’kidladi.

“Isroil hukumatini G‘azoga gumanitar yuklarning to‘liq va to‘siqsiz kirishini ta’minlashga, xalqaro hamjamiyatni esa insonparvarlik sa’y-harakatlarimizni har tomonlama qo‘llab-quvvatlashga chaqiraman”, — deya xulosa qildi Guterrish.

Avvalroq Yevropa Ittifoqi diplomatiyasi rahbari Josep Borrel G‘azo sektorining minglab aholisi uchun ochlik allaqachon haqiqatga aylanganini aytgan edi. Uning so‘zlariga ko‘ra, anklav bilan chegarada bir necha oy davom etadigan oziq-ovqat zaxiralari to‘plangan, biroq siyosiy sabablarga ko‘ra yordam anklavga yetib bormayapti. “Zamin” yangiliklarini “Youtube”da kuzatib boring