Foto: Turkish Insider
Tojikiston 20 apreldan Turkiya fuqarolari uchun viza rejimini joriy qiladi. Bu haqda mamlakat Tashqi ishlar vazirligiga tayanib, “Xovar” agentligi xabar berdi.
Tegishli qaror o‘zaro munosabatlar tamoyili doirasida qabul qilingan. “Turkiya fuqarolari Tojikiston vizasini xorijdagi elchixonalar va konsulliklarda olishlari mumkin”, — deyiladi vazirlik xabarida.
Turkiya 6 aprel kuni Tojikiston fuqarolari uchun vizasiz rejimni bekor qilib, ulardan 20 apreldan boshlab viza talab etilishini ma’lum qildi. Turkiya prezidenti Rajab Toyyib Erdo‘g‘onning farmoniga ko‘ra, mazkur chora “Chet elliklar va xalqaro himoya to‘g‘risida”gi qonun asosida qabul qilingan.
Vizasiz rejim doirasida oddiy xalqaro pasportga ega Tojikiston fuqarolari Turkiyaga 30 kun davomida vizasiz kirishi mumkin edi. Xizmat pasporti egalari uchun 60 kungacha, diplomatik pasport uchun esa 90 kungacha vizasiz rejim amal qilgandi. Turkiya fuqarolari ham Tojikistonda 30 kun vizasiz qolishlari mumkin edi.
22 mart kuni Moskva viloyatidagi Crocus City Hall'da yuz bergan teraktdan so‘ng, Turkiya hujum uchun mas’uliyatni o‘z zimmasiga olgan ISHID tarafdorlariga qarshi reydlar o‘tkazdi. Crocus'dagi teraktda ayblanayotganlar asosan Tojikiston fuqarolari sanaladi.
ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
Toshkentda fuqarolarga hujjatsiz uylarni sotganlar qidirilmoqda
“Bayer” yangi asrning yangi rekordini o‘rnatdi
Volkswagen va Volvo kompaniyalari O‘zbekiston fuqarolarini ishga taklif qildi
Murzoyev: "Qaysidir ma’noda baribir Indoneziya qulayroq raqib, biz musobaqa favoritimiz"
Istanbulda kuchli zilzila yuz berishi aytildi
Donald Tramp sudga hurmatsizlik qilgani uchun jarimaga tortildi
Futzal. Eron 13 karra Osiyo chempionligini qo‘lga kiritdi
