Foto: “Kommersant”
Rossiya prezidenti Vladimir Putin o‘z qarindoshini mudofaa vaziri o‘rinbosari lavozimiga tayinladi, deb xabar bermoqda Deutsche Welle. Anna Sivilyovaning tayinloviga oid farmon 17 iyun kuni huquqiy axborot portaliga joylashtirilgan.
Boshqa bir farmon bilan esa mudofaa vaziri o‘rinbosari etib Pavel Fradkov — 2004-2007 yillarda Rossiya hukumatiga rahbarlik qilgan Mixail Fradkovning o‘g‘li tayinlangan. Kichik Fradkov Rossiya prezidenti ishlash boshqarmasining birinchi o‘rinbosari lavozimida faoliyat yuritgan. Mudofaa vazirining birinchi o‘rinbosari lavozimiga esa Leonid Gornin tayinlangan.
Shu bilan birga Rossiya mudofaa vazirining o‘rinbosarlari Ruslan Salikov, Nikolay Pankov, Tatyana Shvetsova va Pavel Popov lavozimdan olingan. 14 may kuni Rossiya prezidenti hukumatning yangi tarkibini tayinlash haqidagi farmonni imzoladi va Andrey Belousov mudofaa vaziri etib tayinlangan edi.
Anna Sivilyova — Rossiya energetika vaziri Sergey Sivilyovning rafiqasi. OAVda Sivilyovaning Putin bilan ehtimoliy qarindoshlik aloqalari haqida ko‘p marta yozilgan: jurnalistlar ma’lumotlariga ko‘ra, u prezidentning ota tomondan jiyani (amakivachchasining farzandi) hisoblanadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nima uchun jismoniy mashqlar va uqalash bel og‘rig‘idan xalos etmaydi?
Lionel Messi: "Mendagi bu xarakter farzandlarimga xam o‘tgan"
Bo‘stonliqqa boruvchi yo‘lning bir qismi vaqtincha yopiladi
Ramzan Qodirov vahhobiylarning yaqinlarini o‘ldirishga chaqirdi
Germaniyaning yashirin "quroli"
O‘zbekiston va Xitoy o‘rtasida muntazam aviaqatnovlar soni haftasiga yuztaga yetkaziladi
Abbosbek Fayzullayev olimpiadaga boradimi? SSKA bosh murabbiyi bu haqida nima dedi?
Zelenskiy Ukraina birlashgan kuchlariga yangi qo‘mondon tayinladi
