Erdo‘g‘on: “G‘arbda Uchinchi jahon urushiga yo‘l ochayotgan davlatlar bor”

^{Foto: Populist}
Turkiya prezidenti Rajab Toyyib Erdo‘g‘on Rossiya yetakchisi Vladimir Putin tinchlik e’lon qilayotgan bir vaqtda G‘arbda Uchinchi jahon urushiga yo‘l ochayotgan davlatlar borligini ma’lum qildi.

“Afsuski, G‘arbda Uchinchi jahon urushiga yo‘l ochuvchi yondashuvga amal qiladigan davlatlar va segmentlar mavjud. Shubhasiz, qurol-yarog‘ sotuvchilarga pul kerak. Qurol sotuvchilar bozori esa G‘arbdir”, dedi Erdo‘g‘on.

U Putin so‘nggi bayonotlarida tinchlikka yon bosayotganini ta’kidlagan. Erdo‘g‘on, shuningdek, Ukrainadagi mojaro tez fursatlarda yakunlanishiga umid bildirgan.

“Davom etamiz, voqealar rivojini kuzatib boryapmiz. Turkiya TIV rahbari va milliy mudofaa vaziri bu masalani kuzatmoqda. Umid qilamanki, qisqa vaqt ichida tinchlikka erishamiz”, deya xulosa qilgan Turkiya rahbari.

Avvalroq Turkiya TIV rahbari Xoqon Fidan, mamlakatning Ukrainada vositachilik qilishga tayyorligini va mojaroni tinch yo‘l bilan tezroq hal etish tarafdori ekanligini bildirgandi. Anqara ijobiy tajriba sifatida 2022 yil martida Istanbul muzokaralari va o‘sha yilning iyul oyida g‘alla bo‘yicha bitim tuzilganini qayd etgan. “Zamin” yangiliklarini “Odnoklassniki”da kuzatib boring