^{Foto: CCTV}
Xitoyda 19 iyul kuni ko‘prik qulab tushishi oqibatida 12 kishi halok bo‘lgan, yana 30 kishi bedarak yo‘qolgan. Bu haqda Xitoy mahalliy manbalariga tayanib, CNN nashri xabar berdi.

Manbada aytilishicha, halokat Shansi provinsiyasi hududida ro‘y bergan. Xalqaro magistral ustida qurilgan ko‘prik bir necha silkinish natijasida qulab tushgan.

Ko‘prik joylashgan Shanlo tumanining Jashuy okrugida avtomobillar harakati to‘xtab qolgan. Ko‘prik qulashiga kuchli yomg‘ir yog‘ishi va inshoot ostidan oqib o‘tuvchi daryoda suv sathi nihoyatda ko‘tarilib ketishi sabab bo‘lgan.

Mahalliy hukumat halokat joyiga zudlik bilan qutqaruv brigadalari va texnikalarini jalb qilgan. Hozirgi paytda 17 ta yengil avtomobil va 8 ta yuk mashinasi yordamida qidiruv-qutqaruv ishlari davom ettirilayotgani ma’lum qilingan.

Xitoy milliy yong‘in va qutqaruv boshqarmasi hududga 900 nafarga yaqin shaxsiy tarkib xodimi, 90 ta mashina, 20 ta qayiq va 41 ta drondan iborat qutqaruv guruhini jo‘natgan. Qutqaruvchilar daryo quyi oqimi bo‘ylab bedarak yo‘qolganlarni izlashda davom etmoqda.

Xitoy prezidenti Si Szinpin halokat hududida keng miqyosli qutqaruv ishlarini olib borishga chaqirgan. Mamlakat rahbari ayni damda suv toshqini nazorati uchun juda muhim davr ekanini aytib, mahalliy hukumatga zaruriy choralar ko‘rishni buyurgan.

Xitoy davlat matbuotiga ko‘ra, mamlakat markaziy viloyatlarida juda kuchli toshqinlar kuzatilgan. Xenan va Shanlo tumanlarida yog‘ingarchilik ortidan kelgan toshqin infratuzilmaga jiddiy shikast yetkazgan. Birgina Xenan provinsiyasida so‘nggi haftada suv toshqinlari oqibatida 100 ming kishi turar joylaridan evakuatsiya qilingan. “Zamin” yangiliklarini “Facebook”da kuzatib boring

^{Foto: CCTV}
Xitoyda 19 iyul kuni ko‘prik qulab tushishi oqibatida 12 kishi halok bo‘lgan, yana 30 kishi bedarak yo‘qolgan. Bu haqda Xitoy mahalliy manbalariga tayanib, CNN nashri xabar berdi.

Manbada aytilishicha, halokat Shansi provinsiyasi hududida ro‘y bergan. Xalqaro magistral ustida qurilgan ko‘prik bir necha silkinish natijasida qulab tushgan.

Ko‘prik joylashgan Shanlo tumanining Jashuy okrugida avtomobillar harakati to‘xtab qolgan. Ko‘prik qulashiga kuchli yomg‘ir yog‘ishi va inshoot ostidan oqib o‘tuvchi daryoda suv sathi nihoyatda ko‘tarilib ketishi sabab bo‘lgan.

Mahalliy hukumat halokat joyiga zudlik bilan qutqaruv brigadalari va texnikalarini jalb qilgan. Hozirgi paytda 17 ta yengil avtomobil va 8 ta yuk mashinasi yordamida qidiruv-qutqaruv ishlari davom ettirilayotgani ma’lum qilingan.

Xitoy milliy yong‘in va qutqaruv boshqarmasi hududga 900 nafarga yaqin shaxsiy tarkib xodimi, 90 ta mashina, 20 ta qayiq va 41 ta drondan iborat qutqaruv guruhini jo‘natgan. Qutqaruvchilar daryo quyi oqimi bo‘ylab bedarak yo‘qolganlarni izlashda davom etmoqda.

Xitoy prezidenti Si Szinpin halokat hududida keng miqyosli qutqaruv ishlarini olib borishga chaqirgan. Mamlakat rahbari ayni damda suv toshqini nazorati uchun juda muhim davr ekanini aytib, mahalliy hukumatga zaruriy choralar ko‘rishni buyurgan.

Xitoy davlat matbuotiga ko‘ra, mamlakat markaziy viloyatlarida juda kuchli toshqinlar kuzatilgan. Xenan va Shanlo tumanlarida yog‘ingarchilik ortidan kelgan toshqin infratuzilmaga jiddiy shikast yetkazgan. Birgina Xenan provinsiyasida so‘nggi haftada suv toshqinlari oqibatida 100 ming kishi turar joylaridan evakuatsiya qilingan. “Zamin” yangiliklarini “Facebook”da kuzatib boring