Foto: Kevin C Downs forThe New York Post
Bruklin shahrida (Nyu York) O‘zbekistondan bo‘lgan 24 yoshli shaxs oilaning to‘rt nafar a’zosi — o‘z onasi, akasining rafiqasi va ularning kichik yoshli farzandlarini o‘ldirishda gumonlanib qo‘lga olindi, deya xabar bermoqda CBS telekanali.
Qurbonlar Mavluda Fayziyeva (56 yosh), Maftuna Hakimova (27 yosh), shuningdek, Kamila Shavkatova (5 yosh) va Timur Shavkatov (4 yosh) ekani aniqlangan. Gumonlanuvchining akasi politsiyaga qo‘ng‘iroq qilgan.
The New York Post nashri yozishicha, gumondor bo‘ynidan pichoq tortilgan onasining jasadini adyolga o‘rab qo‘ygan, bolalarning jasadlarini esa kiyimlar savatiga solib, shkafga yashirgan. Bolalarning onasi ham tig‘ bilan yetkazilgan jarohatlar bilan uy yaqinida topilgan.
Foto: The New York Post
Aybdorlik hissi qiynayotgan qo‘shnilardan birining aytishicha, o‘sha tunda bolalar «Mama» va «Mom» deya baqirgani eshitilgan. «Men nega darhol politsiya chaqirmadim? Nima uchun eshikka yaqin bormadim? Ammo men eshikka borganimda u yerda jasadlar beshta bo‘lardi» deydi o‘z shaxsini ochiqlamagan qo‘shnilardan biri.
O‘zini Pol deb tanishtirgan guvohlardan biri ko‘chada turganida gumonlanuvchi binodan chiqib ketganini ko‘rganini aytadi.
Ma’lum vaqt o‘tib bolalarning otasi uning ortidan chiqqan va qo‘shnilardan «mening oilamni ko‘rmadingizmi» deb so‘ragan.
«U chopib chiqdi va dedi: mening onam polda yotibdi, qon ko‘p. Oilam yo‘qoldi», deya eslaydi guvohlar.
Ota 911 xizmatiga qo‘ng‘iroq qilgan va detektivlar kelgach, ular bilan birgalikda kvartiraga kirgan.
Ko‘p o‘tmay gumonlanuvchi qaytib kelgan. «Men aybsizman. Meni hibsga oling. Bu men emasdim», deya uning so‘zlarini eslaydi Pol.
Uning qo‘lini kishanlagan holda olib ketishgan. Yakshanba kuni unga ayblov e’lon qilinishi kutilmoqda.
The New York Post nashri gumonlanuvchi ruhiy kasal bo‘lishi mumkinligi haqida yozgan. Qo‘shnilar uni tanishgan, biroq oila uni ko‘chaga tez-tez chiqishiga ruxsat bermagan.
«U qo‘rqinchli edi. Men undan uzoqroq yurardim. U yirik gavdali, tajovuzkor, jahldor buldogniki kabi ko‘z qarashiga ega odam edi», deydi Pol.
Shuningdek, qo‘shnilardan biri u giyohvand moddalar iste’mol qilgan bo‘lishi mumkinligini taxmin qilgan.
Xabar qilishlaricha, oila AQSHga 2007 yilda kelgan. Ular so‘nggi 10 yil davomida Bruklindagi kvartirada yashagan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Madrimov—Krouford jangining rasmiy posteri e’lon qilindi
Tungi reyd tadbiri jarayonida qarzdor korxonaning avtotransport vositasi jarima maydonchasiga joylashtirildi
Sergey Lushchan "Navbahor" klubi bosh murabbiyi sifatida tanishtirildi
Norchayev dubl qayd etgan bahsda O‘zbekiston OTJ Yangi Zelandiyani mag‘lubiyatga uchratdi
Shols Zelenskiyning Ukraina uzra raketalarni urib tushirish haqidagi iltimosini rad etdi
Saida Mirziyoyeva Isroilning O‘zbekistondagi elchisi bilan uchrashdi
Xalqaro moliya bozori sharhi
Farg‘onada ota farzandini onasiga bermaslik uchun shkafga yashirib qo‘ydi
