Foto: Getty Images
Fransiya poytaxti Parijda 26 iyuldan 11 avgustgacha bo‘lib o‘tadigan Olimpiada o‘yinlari uchun chiqarilgan 10 million chiptadan 9,3 millioni sotilgan. Bu haqda Anadolu xabar berdi.
Qayd qilinishicha, chiptalar narxi 90, 250, 500, 900, 1600 va 2700 yevro bo‘lib, 2700 yevrolik chipta egalari ovqatni o‘z ichiga olgan paket uchun jami 3850 yevro to‘laydi.
Agar 1996 yilda Atlantada (AQSH) 8,3 million chipta sotilgan bo‘lsa, 28 yildan keyin Parijda bu rekord yangilandi.
Parij Olimpiadasining 90, 250 va 500 yevroga baholangan barcha chiptalari sotilib ketgan. 900, 1600 va 2700 yevroga baholangan chiptalar ham deyarli sotilib bo‘lgan.
Olimpiada o‘yinlari tarixida ilk bor ochilish marosimi shahar bo‘ylab o‘tkaziladi va hamma uchun ochiq bo‘ladi. Marosim ishtirokchilari karvonlari Sena daryosi bo‘ylab 6,5 kilometrlik chiziq bo‘ylab harakatlanadi. Marosim Trokadero maydonida tugaydi.
Ta’kidlanishicha, Parij shahrining Sena daryosi atrofidagi uy egalari talab yuqoriligi tufayli, uy ijarasi narxini keskin ko‘targan. Masalan, 26 iyul kungi ochilish marosimida uy ijarasi narxi 20 ming yevrodan oshgan.
O‘zbekiston Olimpiada tarixida ilk bor 19 sport turida 90 nafar atlet bilan ishtirok etadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Messini, Xavini va meni yo‘qotib, “Barsa” katta xato qildi
AQSHdagi Falastin tarafdorlari Netanyaxu tashrifiga qarshi namoyish uyushtirishmoqchi
Terens Krouford: "Mening bor e’tiborim bir narsaga qaratilgan"
Ozish uchun yordam beradigan 4 ta hamyonbop mahsulot
Namangan hokimi xorijda ishlayotgan yoshlarga o‘zlariga mos ish o‘rinlari taklif qildi
Dunyodagi eng badavlat kuyov Anant Ambani qanday kasallikdan aziyat chekadi?
Parij—2024. Boks musobaqalari 27 iyuldan start oladi
Shifokor: alkogol va giyohvand moddalar aqliy zaiflikka olib keladi