Foto: El Imparcial
Dunyoning eng mashhur narkobaronlaridan biri, meksikalik “Sinaloa” karteli rahbari Ismael “El Mayo” Zambada Texasning El-Paso shahrida hibsga olindi. Bu haqda BBC xabar berdi.
76 yoshli Zambada kartelga hozirda AQSH qamoqxonasida saqlanayotgan Xoakin El Chapo Gusman bilan asos solgan.
“Gusmanning o‘g‘li Xoakin Gusman Lopes ham Zambada bilan birga hibsga olingan”, dedi AQSH Adliya vazirligi.
Har ikkisi ham Texasdagi xususiy aeroportlardan birida qo‘lga olingan. AQSH Bosh prokurori Merrik Garlandning ta’kidlashicha, ular “dunyodagi eng shafqatsiz va kuchli narkotik kartellaridan birini” boshqaradi.
Fevral oyida AQSH hukumati Zambadani tarkibida fentanil bo‘lgan moddani ishlab chiqarish va tarqatishda aybladi.
“Fentanil — bizning mamlakatimiz duch kelgan eng halokatli giyohvandlik tahdididir va fuqarolarimizni zaharlashda aybdor bo‘lgan har bir rahbar, kartel a’zosi va sheriklari javobgarlikka tortilmaguncha Adliya vazirligi tinchlanmaydi”, degan Garland.
AQSH Davlat departamenti ma’lumotlariga ko‘ra, Zambada Meksikada bir nechta qonuniy korxonalar, jumladan, sut fermasi, avtobus tashuvchi kompaniya va mehmonxona egasidir.
AQSHda u fentanil savdosidan tashqari, giyohvand moddalar savdosi, qotillik, o‘g‘irlash, pul yuvish va uyushgan jinoyatchilikda ham ayblangan. Zambada o‘nlab yillar davomida AQSH rasmiylaridan yashiringan, ammo, aftidan, o‘zi Texasga uchib kelgan. Uni qo‘lga olish va keyinchalik hibsga olish tafsilotlari noma’lum. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
