Foto: Google Images
Rossiyada mudofaa vazirining sobiq o‘rinbosari, armiya generali Dmitriy Bulgakov qo‘lga olindi. Bu haqda Tergov qo‘mitasi xabar bermoqda.
Bulgakov korrupsiya ishi doirasida tergovga jalb qilingan. Unga nisbatan qamoqqa olish tarzidagi ehtiyot chorasi qo‘llangan. Bulgakov Moskvadagi “Butirka” tergov izolatoriga joylashtirilgan.
Rossiya Mudofaa vazirligida Bulgakov moddiy ta’minot uchun javobgar edi. 2008 yil dekabridan 2022 yil sentyabrigacha mudofaa vaziri o‘rinbosari lavozimida ishlagan. 2016 yilda unga Rossiya Qahramoni unvoni berilgan.
Avvalroq mudofaa vaziri o‘rinbosari Timur Ivanov va Mudofaa vazirligi kadrlar bosh boshqarmasi boshlig‘i general-leytenant Yuriy Kuznetsov o‘ta yirik miqdorda pora olganlikda ayblanib hibsga olingan edi.
May oyida Rossiya Bosh shtabi rahbari o‘rinbosari Vadim Shamarin va Mudofaa vazirligining mudofaa ta’minoti boshqarmasi boshlig‘i Vladimir Verteletskiy hibsga olingani ma’lum bo‘ldi. Shamarin juda katta miqdorda pora olganlikda gumon qilinmoqda.
17 may kuni xavfsizlik kuchlari Rossiya 58-qo‘shma qurolli armiyasi sobiq qo‘mondoni general mayor Ivan Popovni yirik miqdordagi firibgarlikda ayblab, hibsga olgandi. Tergov ma’lumotlariga ko‘ra, Popov Zaporoje yo‘nalishida istehkomlar qurish uchun mo‘ljallangan 1700 tonna metallni o‘g‘irlashda ishtirok etgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
