Ilon Mask Jo Baydenning tirikligiga shubha bildirdi

Amerikalik tadbirkor Ilon Mask AQSH prezidenti Jo Bayden hali ham tirik ekanligiga shubha bildirdi. U ijtimoiy tarmoqdagi tegishli postga izohda buni aks ettirdi.

Ijtimoiy tarmoq foydalanuvchilaridan biri Bayden so‘nggi paytlarda kamdan kam hollarda omma oldida paydo bo‘lishini ta’kidladi. U Oq uy rahbari tirik yoki yo‘qligini so‘radi. Mask bu postga javob berib, yelka qisayotgan erkakning emojisini joylashtirdi.

^{Ilon Maskning sahifasidan skrinshot}
Bir necha haftadan beri Qo‘shma Shtatlarda Baydenning o‘limi haqidagi mish-mishlar tarqalmoqda. Iyul oyida Bayden jamoatchilik nazaridan g‘oyib bo‘lgandi.

Avvaliga u prezidentlik poygasidan chiqishini shaxsan emas, balki ijtimoiy tarmoqlardagi xabari orqali e’lon qildi. Biroq keyinroq prezident samolyot trapidan chiqib ketayotgani aks etgan video ommaga namoyish etildi. “Zamin”ni Telegramʻda oʻqing!