Financial Times: Mask va Trampning intervyusi Yevropani xavotirga soldi

^{Foto: Reuters}
Yaqinda AQSH prezidentligiga nomzod Donald Trampning Ilon Maskga bergan intervyusi Yevropani jiddiy xavotirga soldi. Bu haqda Britaniyaning Financial Times nashri xabar berdi.

Nashrning yozishicha, Yevropaning xavotiriga Mask va Yevroittifoq o‘rtasidagi kelishmovchilik sabab bo‘lgan, shu sababli assotsiatsiya dezinformatsiya masalalarida X'ni nazorat qilish qobiliyatiga shubha qilgan.

Jurnalistlarning ta’kidlashicha, amerikalik tadbirkor moderatorlar sonini kamaytirish, avval bloklangan akkauntlarni tiklash va o‘zining ochiq nashrlari chastotasini oshirishdan keyin ushbu muammoga e’tibor qaratgan.

Xabarda qayd etilishicha, agar Tesla rahbarining ijtimoiy tarmog‘i “jiddiy zarar yetkazishda” davom etsa, YEI platformaga kirishni cheklash to‘g‘risida qaror qabul qilishi kerak. Biroq, jurnalistlarning ta’kidlashicha, yevropalik siyosatchilar Maskga qarshi chiqishga tayyormi yoki yo‘qmi, hozircha noaniq.

Maskning Tramp bilan suhbati 13 avgustga o‘tar kechasi efirga uzatilgan edi.

Intervyu ikki taniqli shaxsning bir-biriga uzundan uzoq maqtovlari bilan boshlangan. Suhbat avvalida Ilon Mask Trampni suiqasd paytida ko‘rsatgan irodasi uchun “jasoratli” shaxs deb atagan.

Suhbat davomida xalqaro siyosat, saylov kampaniyasi va prezidentlikka nomzodning shaxsiy hayotiga daxldor ko‘plab masalalar ko‘rilgan. Trampning sodir bo‘layotgan voqealarga munosabatini bilishga harakat qilingan.

Tramp agar saylovda g‘alaba qozonsa, Putin bilan til topishishga umid qilayotganini aytgan. Bu Moskva uchun ham, Vashington uchun ham eng manfaatli qaror bo‘lishi aytilgan. “Zamin” yangiliklarini “Telegram”da kuzatib boring