2024 yil maksimal haroratli kunlar soni bo‘yicha rekord o‘rnatdi

2024 yil butun dunyo bo‘ylab qayd etilgan maksimal haroratli kunlar soni bo‘yicha rekord yil bo‘ldi. Maksimal havo harorati dunyoning 15 ta davlatida qayd etilgan. Bu haqda Britaniyaning The Guardian gazetasi iqlimshunos Maksimilano Erreraga tayanib xabar berdi.

“Ushbu ekstremal issiqlik hodisalari soni 2024 yilning fevralidan iyuligacha bo‘lgan davrda barcha statistik ko‘rsatkichlar bo‘yicha rekord darajada bo‘ldi”, dedi u nashrga bergan intervyusida.

Yil boshidan buyon dunyoning 15 ta davlatida eng yuqori harorat qayd etildi, turli mamlakatlarda esa 130 oylik issiqlik rekordlari yangilandi. Jumladan, gazetaning qayd etishicha, joriy yilda Meksikada maksimal harorat Selsiy bo‘yicha 52 daraja, Misrda 50,9 daraja bo‘lgan, Malida esa havo harorati 48,5 darajaga yetgan.

Mutaxassisning so‘zlariga ko‘ra, avvalgi haddan tashqari issiq haroratlar inson faoliyati natijasida yuzaga kelgan global isish va El-Nino tabiat hodisasi – Tinch okeanidagi suvning yuqori qatlamining keskin isishi ta’siridan kelib chiqqan. Bu yil El-Nino effekti o‘z kuchini yo‘qotmoqda, ammo shunga qaramay, harorat rekordlari soni faqat oshdi. “Zamin” yangiliklarini “Telegram”da kuzatib boring