Lukashenko: “Mojaroning kuchayishi Ukrainaning vayron bo‘lishi bilan yakunlanishi mumkin”

^{Foto: sharij.net}
Belarus prezidenti Aleksandr Lukashenko Rossiya Kursk viloyatini o‘z hududiga bostirib kirayotgan ukrainalik harbiylardan har qanday holatda ham ozod qilishiga, mojaroning avj olishi esa Ukrainaning davlat sifatida yo‘q qilinishiga olib kelishi mumkinligiga ishonch bildirdi.

“Rossiya” telekanaliga bergan intervyusida Lukashenko Kursk viloyatiga hujumni amalga oshirgan ukrainalik jangchilarning hammasi professional bo‘lganini ta’kidlagan.

"Ular butun jangovar chiziqdan to‘plangan. Bular asosan urushni ko‘rgan odamlar edi. Qolganlari yollanma askarlar, polyaklar va hokazolar edi. Juda kuchli kuchlar shakllantirilgan va ular keldi. Men xizmat qilganman, chegara nimaligini bilaman, u yerdagi bir nechta yigitlar bunday kuchlarni ushlab turolmadi", deydi Belarus rahbari.

Lukashenkoga ko‘ra, rus askarlari Kurskdan ukrainalik harbiylarni chiqarib yuboradi. U, shuningdek, mojaroning kuchayishi Ukraina uchun eng fojiali tarzda yakunlanishi mumkinligini aytgan.

"Agar bu Kurskdagi kabi bo‘lsa, bu Ukrainaning vayron bo‘lishi bilan yakunlanadi. Hech kim Rossiya imperiyasini mag‘lub eta olmagan va eta olmaydi. Bu yerda NATOning siyosati qanday bo‘lishi mumkin? Amerikaliklarning bitta siyosati bor — Yevropani Rossiyaga qarshi qo‘yish", deya xulosa qilgan Belarus yetakchisi. “Zamin” yangiliklarini “Telegram”da kuzatib boring