Foto: Getty Images
Hodisa 17 avgust, shanba kuni yuz bergan. Hokkaydo prefekturasidagi Yangi Titose aeroportining ichki reyslar terminalidagi xavfsizlik tekshiruvlari taxminan ikki soatga to‘xtatilgan, oqibatda yuzlab yo‘lovchilar bir muddat qiyin ahvolga tushib qolgan. Ular xavfsizlik tekshiruvidan qayta o‘tishga yuborilgani sabab uchish zalida uzun navbatlar hosil bo‘lgan.
Mas’ul xodimlar yo‘qolgan qaychini topishga ikki kun urinishdi. Qaychi shanba kuni topilmagan bo‘lsa-da, xavfsizlik tekshiruvlari va parvozlar o‘sha kuniyoq qayta tiklandi.
Qaychi yakshanba kuni omborxona xodimi tomonidan topildi va chindan ham o‘sha yo‘qolgan qaychi ekani tasdiqlangach, aeroport rasmiylari uning topilganini e’lon qildi.
Reyslarning bekor qilinishi va kechikishidan aziyat chekkan sayohatchilarning aksariyati Yaponiyada har yili nishonlanadigan Bon bayramidan keyin uyga qaytishayotgan edi.
Yer, infratuzilma, transport va turizm vazirligi Hokkaydo aeroportlariga murojaat qilib, hodisaning sababini aniqlash va bunday holatlar qaytalanishiga yo‘l qo‘ymaslikni so‘radi.
“Ushbu voqea ombordagi saqlash va boshqarish tizimlari noto‘g‘ri olib borilgani tufayli sodir bo‘lganini tan olamiz. Hodisa o‘g‘rilik yoki terrorizmga aloqador bo‘lishi mumkin edi, rahbariyatning to‘liq xabardorligini ta’minlash uchun buning ustida yana bir bor ishlaymiz”, – deyiladi aeroport bayonotida.
X ijtimoiy tarmog‘i foydalanuvchilari aeroportning hodisaga munosabatini olqishladi va Yaponiyadagi parvozlar xavfsizligiga ishonchi oshganini ta’kidladi.
Aviatsiya tahlili bilan shug‘ullanuvchi OAG kompaniyasi ma’lumotlariga ko‘ra, Yangi Titose Yaponiyaning eng gavjum aeroportlaridan biri bo‘lib, dunyodagi ikkinchi eng yirik ichki aviaqatnov Tokio — Sapporo yo‘nalishiga xizmat ko‘rsatadi.
2022 yilda aeroportdan 15 milliondan ortiq sayyoh foydalangan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Britaniya diplomati hukumat Isroilga qurol sotgani uchun iste’foga chiqdi
Superliga. "So‘g‘diyona" safarda "Neftchi"ni yirik hisobda mag‘lub etdi
Tom Kruz 223 million dollarga Londondan kvartira sotib oldi
Ukraina Qurolli kuchlari frontdagi vaziyatdan shikoyat qildi
O‘zbekistonda 21 avgust kuni qanday ob-havo bo‘lishi ma’lum qilindi
Ukrainaning Kurskka hujumi urush dinamikasini qanday o‘zgartirdi?
Germaniyadan boshpana olgan afg‘onlar o‘z yurtiga turist sifatida borib-kelayotgani ma’lum bo‘ldi
Qozog‘iston, O‘zbekiston, Qirg‘iziston va Tojikiston sportga qancha mablag‘ sarflamoqda?
